ஏமனில் இருந்து மேலும் 7 தமிழர்கள் நாடு திரும்பினர்

தமிழகத்தின் பல்வேறு பகுதிகளைச் சேர்ந்த மேலும் 7 தமிழர்கள் ஏமனில் இருந்து மீட்கப்பட்டு இந்தியா வந்தடைந்தனர்.

ஏமனில் தனியார் நிறுவனங்களில் பணிபுரிந்து வந்த தமிழகத்தைச் சேர்ந்த முத்துகுமார், அருண் உள்ளிட்ட 7 தமிழர்கள் மும்பை விமான நிலையத்துக்கு வந்தடைந்தனர்.

இவர்கள் அனைவரும் வெளியுறவுத் துறை அதிகாரிகளால் ஏமன் பகுதிகளிலிருந்து மீட்கப்பட்டவர்கள் ஆவர்.

ஏழு பேரும் திருச்சி, மதுரை, திருவள்ளூர், திருநெல்வேலி உள்ளிட்ட மாவட்டங்களைச் சேர்ந்தவர்கள் என அதிகாரிகள் தெரிவித்தனர்.