அமர்நாத் தீவிரவாத தாக்குதல் வழக்கில் 3 பேர் கைது

அமர்நாத் தீவிரவாத தாக்குதல் வழக்கு தொடர்பாக 3 பேர் கைது செய்யப்பட்டுள்ளனர்.

காஷ்மீரில் உள்ள அமர்நாத் குகை கோயிலுக்கு சென்றுவிட்டு கடந்த ஜூலை 10-ம் தேதி பஸ்ஸில் திரும்பி கொண்டிருந்த பக்தர்களை குறிவைத்து தீவிர வாதிகள் தாக்குதல் நடத்தினர். இந்தத் தாக்குதலில் 8 பேர் உயிரிழந்தனர்.

வழக்கு குறித்து காஷ்மீர் ஐஜி முனீர் கான், நகரில் நேற்று நிருபர்களிடம் கூறியதாவது: அமர்நாத் பக்தர்கள்ள மீது லஷ்கர்-இ-தொய்பா இயக்கத்தைச் சேர்ந்த 4 தீவிரவாதிகள் தாக்குதல் நடத்தியுள்ளனர். அவர்களில் பாகிஸ்தானை சேர்ந்த அபு இஸ்மாயில், காஷ்மீரை சேர்ந்த யவார் ஆகியோரை அடையாளம் கண்டுபிடித்துள்ளோம்.

நான்கு தீவிரவாதிகளுக்கும் வாகனம், தங்குமிட வசதிகளை செய்து கொடுத்த பிலால், ஆசிஷ், அகமது ஆகிய 3 பேரை கைது செய்துள்ளோம். அவர்களிடம் நடத்தப்பட்ட விசாரணையில் முக்கிய தகவல்கள் கிடைத்துள் ளன. இதன்மூலம் அமர்நாத் தாக்குதலை நடத்திய தீவிரவாதி களை மிகவும் நெருங்கிவிட்டோம். விரைவில் அவர்கள் அழிக்கப் படுவார்கள்.

இவ்வாறு அவர் தெரிவித்தார்.