ஜோத்பூர் அருகே மிக் பயிற்சி விமானம் விபத்துக்குள்ளானது

ராஜஸ்தான் மாநிலம் ஜோத்பூர் அருகே மிக்-23 ரக பயிற்சி விமானம் நொறுங்கி விழுந்து விபத்துக்குள்ளானது. விமானத்தில் இருந்த இரண்டு பைலட்டுகள் தப்பினர்.

இது குறித்து இந்திய விமானப்படை தரப்பில், "ராஜஸ்தான் மாநிலம் ஜோத்பூரில் இருந்து 60 கி.மீ., தூரத்தில் உள்ள பாலேசர் எனும் பகுதியில் மிக்-23 ரக விமானம் விபத்துக்குள்ளானது. வழக்கமான பயிற்சியின்போது இந்த விபத்து நடந்துள்ளது. விமானத்தில் இருந்த இரண்டு விமானிகள் பத்திரமாக உள்ளனர்" எனத் தெரிவிக்கப்பட்டுள்ளது.

இந்த விபத்து குறித்து விசாரணக்கு உத்தரவிடப்பட்டுள்ளது.