பிப். 4 - மார்ச் 8 வரை வாக்கு கணிப்புக்கு தடை

சட்டப்பேரவைத் தேர்தல் நடை பெறும் 5 மாநிலங்களில் பிப்ரவரி 4 முதல் மார்ச் 8 வரை வாக்குப் பதிவுக்கு பிந்தைய கணிப்புகளுக்கு தடை விதிக்கப்பட்டுள்ளது.

உத்தரப் பிரதேசம், உத்தராகண்ட், பஞ்சாப், மணிப்பூர், கோவா ஆகிய மாநிலங்களில் வரும் 4-ம் தேதி முதல் மார்ச் 8-ம் தேதி வரை பல்வேறு கட்டங்களாக சட்டப்பேரவைத் தேர்தல் நடைபெற உள்ளது.

இதையொட்டி தேர்தல் ஆணையம் வெளியிட்டுள்ள அறிக்கையில், “சட்டப்பேரவைத் தேர்தல் நடைபெறும் 5 மாநிலங்களில் பிப்ரவரி 4-ம் தேதி காலை 7 மணி முதல் முதல் மார்ச் 8-ம் தேதி மாலை 5.30 மணி வரை வாக்குப்பதிவுக்கு பிந்தைய கணிப்புகளுக்கு தடை விதிக்கப்படுகிறது. இதனை பத்திரிகை மற்றும் மின்னணு ஊடகங்கள் கண்டிப்புடன் பின்பற்ற வேண்டும்” என தெரிவிக்கப்பட்டுள்ளது.