திருப்பதி அருகே நேற்று காரும், லாரியும் நேருக்கு நேர் மோதிக் கொண்டு விபத்துக்குள்ளானதில் 4 பேர் பரிதாபமாக உயிரிழந் தனர்.
ஹைதராபாத்திலிருந்து திருப்பதி நோக்கி சென்று கொண் டிருந்த காரும், ரேணிகுண்டா வழியாக காளஹஸ்தி நோக்கி சென்ற லாரியும் வேதள்ள செருவு எனும் இடத்தில் நேருக்கு நேர் மோதி விபத்துக்குள்ளானது. இதில் காரில் பயணித்த ஹைதராபாத்தைச் சேர்ந்த கிஷன் (36), ஹனுமந்த் (37) ஓட்டுநர் பிரேம் குமார் (37) ஆகியோர் சம்பவ இடத்திலேயே உயிரிழந்தனர்.
படுகாயமடைந்த 2 பேரில் ஒருவர் மருத்துவமனையில் உயிரிழந்தார்.
விபத்து காரணமாக திருப்பதி காளஹஸ்தி நெடுஞ்சாலையில் சுமார் 1 மணி நேரம் வரை போக்குவரத்து பாதிக்கப்பட்டது. ரேணிகுண்டா போலீஸார் வழக்குப் பதிந்து விபத்து குறித்து விசாரித்து வருகின்றனர்.