பெங்களூர் புவனேஸ்வர் சிறப்பு ரயில் சேவை நீட்டிப்பு

விழாக்கால கூட்ட நெரிசலைக் குறைப்பதற்காக பெங்களூர் - புவனேஸ்வர் இடையே இயக்கப்பட்டு வந்த பிரீமியம் சிறப்பு ரயில் சேவை மேலும் நீட்டிக்கப்பட்டுள்ளது.

அதன்படி, அக்டோபர் 25 மற்றும் 27-ம் தேதி இரவு 10.50 மணிக்கு புவனேஸ்வரில் இருந்து புறப்படும் ரயில், ஜோலார்பேட்டை வழியாக மறுநாள் இரவு 10.40 மணிக்கு பெங்களூர் கன்டோன்மென்ட் ரயில் நிலையத்தை வந்தடையும்.

பெங்களூர் கன்டோன் மென்டில் இருந்து அக்டோபர் 27 மற்றும் 29-ம் தேதி அதிகாலை 1 மணிக்கு புறப்படும் ரயில், மறுநாள் அதிகாலை 1.45 மணிக்கு புவனேஸ்வரை சென்றடையும். இந்த ரயில் பெர்ஹாம்பூர், விசாகப்பட்டினம், விஜயவாடா, ரேணிகுண்டா, ஜோலார்பேட்டை ஆகிய ரயில் நிலையங்களில் நின்று செல்லும். இத்தகவலை தெற்கு ரயில்வே தெரிவித்துள்ளது.