மொழி மற்றும் இலக்கியத்தில் சிறந்து விளங்கும் தமிழறிஞர்களுக்கு செம்மொழி விருது: குடியரசுத் தலைவர் பிரணாப் வழங்கினார்

தமிழறிஞர்களுக்கு டெல்லியில் நேற்று குடியரசுத் தலைவர் பிரணாப் முகர்ஜி செம்மொழி விருதுகளை வழங்கி கவுரவித்தார்.

தமிழ் மொழி மற்றும் தமிழ் இலக்கியத்தில் சிறந்து விளங்கும் தமிழறிஞர்களுக்கு ஆண்டுதோறும் இந்த விருதுகள் வழங்கப்பட்டு வருகின்றன. அந்த வகையில் கடந்த 2013-14, 2014-15 மற்றும் 2015-16-ம் ஆண்டுக்கான செம்மொழி விருதுகள் வழங்கும் விழா டெல்லியில் உள்ள குடியரசுத் தலைவர் மாளிகையில் நேற்று நடந்தது.

இதில் 2013-14ம் ஆண்டுக்கான தொல்காப்பியர் விருது முனைவர் எஸ்.என்.கந்தசாமிக்கும், இளம் அறிஞர் விருது முனைவர் உலா பாலசுப்ரமணியன், முனைவர் கலை செழியன், முனைவர் எஸ்.ராஜலட்சுமி, முனைவர் டி.மகாலட்சுமி, முனைவர் சாலவாணி ஆகியோருக்கும் வழங்கப்பட்டது.

இதேபோல் 2014-15-ம் ஆண்டுக்கான தொல்காப்பியர் விருது முனைவர் தட்சிணாமூர்த்திக்கும், இளம் அறிஞர் விருது முனைவர் சதீஷ், முனைவர் முத்து செல்வன், முனைவர் திருஞானசம்பந்தம், முனைவர் வசந்தகுமாரி, முனைவர் சதீஷ் ஆகியோருக்கும் வழங்கப்பட்டது.

2015-16-ம் ஆண்டுக்கான தொல்காப்பியர் விருது முனைவர் கலைக் கோவனுக்கும், இளம் அறிஞர் விருது முனைவர் வனிதா, முனைவர் பிரகாஷ், முனைவர் பிரேம்குமார், முனைவர் பாலாஜி, முனைவர் முனீஸ் மூர்த்தி ஆகியோருக்கு வழங்கி கவுரவிக்கப்பட்டது