5 சுமை தூக்குபவர் வேலைக்கு 984 பட்டதாரிகள் விண்ணப்பம்

மகாராஷ்டிர அரசுப் பணியாளர் தேர்வாணைய (எம்பிஎஸ்சி) செயலாளர் ராஜேந்திர மங்ருல்கர் மும்பையில் நேற்று கூறியதாவது:

காலியாக உள்ள 5 சுமை தூக்குபவர் வேலைக்கு விண்ணப்பம் கோரப்பட்டது. இதற்காக மொத்தம் 2,424 பேர் விண்ணப்பித்துள்ளனர். இந்த வேலைக்கான கல்வித் தகுதி 4-ம் வகுப்பில் தேர்ச்சி பெற்றிருந்தால் போதும். ஆனால், எம்.பில். (5), முதுகலை பட்டம் (253), முதுகலை பட்டயம் (9), பட்டயம் (109), பட்டம் (984), பிளஸ் 2 (605) படித்தவர்கள் எல்லாம் விண்ணப்பித்துள்ளனர்.

இவ்வாறு ராஜேந்திர மங்ருல்கர் கூறினார்.

‘டி’ பிரிவைச் சேர்ந்த இந்த வேலைக்கு விண்ணப்பங்கள் கோரி கடந்த ஆண்டு டிசம்பர் மாதம் அறிவிப்பு வெளியிடப்பட்டது. இதற்கான எழுத்துத் தேர்வு வரும் ஆகஸ்ட் மாதம் நடைபெற உள்ளது.