Published : 10 Oct 2014 12:01 pm

Updated : 10 Oct 2014 12:11 pm

 

Published : 10 Oct 2014 12:01 PM
Last Updated : 10 Oct 2014 12:11 PM

12-வது ஐந்தாண்டு திட்டம் தொடரும்

12

திட்டக்குழுவை கலைப்பதாக முடிவெடுத்தாலும் 12-வது ஐந்தாண்டு திட்டம் தொடரும் என்று நிதிக்கான நாடாளுமன்ற நிலைக்குழு தெரிவித்திருக்கிறது. இந்த திட்டம் வரும் 2017-ம் ஆண்டு மார்ச் வரை செயல்படும் என்று திட்டக்குழு அதிகாரிகளுக்கு தெரிவிக்கப்பட்டிருக்கிறது.

இந்த நாடாளுமன்ற குழுவின் தலைவர் மற்றும் முன்னாள் அமைச்சர் வீரப்ப மொய்லி தலைமையிலான கூட்டம் நேற்று நடைபெற்றது. இதில் 2014-15ம் ஆண்டுக்கான ஒதுக்கீடு தொடர்பான கருத்துகளை கேட்டறிந்தார். இதில் முன்னாள் பிரதமர் மன்மோகன் சிங்கும் கலந்து கொண்டார். 12-வது ஐந்தாண்டு திட்டத்துக்கு 2012-ம் ஆண்டு டிசம்பர் மாதம் ஒப்புதல் வழங்கப்பட்டது. இதில் நாட்டின் வளர்ச்சியை 8 சதவீத அளவுக்கு உயர்த்தவும் 5 கோடி புதிய வேலை வாய்ப்புகளை உருவாக்குவதும் இலக்காக அறிவிக்கப்பட்டது.


இதில் கலந்துகொண்ட அதிகாரி ஒருவர் கூறும்போது, அனைத்து மக்களுக்கும் வழங்கப்படும் ஆதார் அடையாள அட்டை திட்டத்தை வரும் 2015-ம் ஆண்டு ஜூன் மாதத்துக்குள் முடிக்குமாறு கேட்டுக்கொள்ளப்பட்டதாக தெரிவித்தார். இதற்கு முன்பு 2015 டிசம்பருக்குள் முடிக்க வேண்டும் என்று கூறப்பட்டது.

திட்டக்குழு கலைப்புஐந்தாண்டு திட்டம்நாடாளுமன்ற நிலைக்குழுவீரப்ப மொய்லிமன்மோகன் சிங்

You May Like

More From This Category

More From this Author