கேரளாவில் தென்மேற்கு பருவமழை தீவிரம்

கேரளா, லட்சத் தீவில் தென்மேற்குப் பருவமழை தீவிரமடைந்துள்ளது. கேரளாவின் பெரும்பாலான பகுதிகளில் நேற்று கனமழை பெய்தது.

கோழிக்கோட்டின் வடகரையில் நேற்று அதிகபட்சமாக 8 செ.மீ. மழையும், லட்சத்தீவின் மினிகாய், கேரளாவின் ஆழப்புழா பகுதிகளில் தலா 7 செ.மீ. மழையும் பெய்தது.

அகாட்டி (லட்சத்தீவு), கொல்லம் தலா 6 செ.மீ., கொச்சி பெரும்பாவூர், காஞ்சிரபள்ளி, பீர்மேடு, கொன்னி, வர்கலாவில் தலா 5 செ.மீ. மழை பெய்தது.

கேரளா, லட்சத்தீவில் வரும் 4-ம் தேதி வரை தொடர்ந்து கனமழை பெய்யும். மணிக்கு 45 முதல் 55 கி.மீ. வேகத்தில் காற்று வீசக்கூடும் என்று வானிலை ஆய்வு மையம் தெரிவித்துள்ளது.