மத்திய அமைச்சர் ஜுவல் ஓரமின் அசையா சொத்துகள் 3 மடங்கு உயர்வு

பாஜக மூத்த தலைவரும் மத்திய பழங்குடியினர் நலத்துறை அமைச்சருமான ஜுவல் ஓரமின் அசையா சொத்துகள் கடந்த 5 ஆண்டுகளில் 3 மடங்கு உயர்ந்துள்ளது. இதே காலத்தில் அவரது மனைவியின் அசையா சொத்து மதிப்பு 4 மடங்கு உயர்ந்துள்ளது.

கடந்த 2014-15-ல் ஜுவல் ஓரமின் ஆண்டு வருமானம் ரூ.8.68 லட்சமாக இருந்தது. இது தற்போது (2018-19) ரூ.13.23 லட்சமாக உயர்ந்துள்ளது. இதுபோல் அவரது மனைவி ஜிங்கியா ஓரமின் ஆண்டு வருமானம் ரூ.4.47 லட்சத்தில் இருந்து ரூ.7.60 லட்சமாக உயர்ந்துள்ளது.  கடந்த 2014-ல் ஜுவல் ஓரமின் அசையா சொத்து மதிப்பு ரூ.90 லட்சமாகும். தற்போது இது ரூ.2.74 கோடியாக உயர்ந்துள்ளது.

இதுபோல் ஜிங்கியாவின் அசையா சொத்துகள் ரூ.50 லட்சத்தில் இருந்து ரூ.2.03 கோடியாக உயர்ந்துள்ளது.

ஜுவல் ஓரம் மற்றும் அவரது மனைவி கடந்த 2014-ல் கணக்கு காட்டிய சொத்துகளின் சந்தை மதிப்பு தற்போது கூடியுள்ளது. இது தவிர புதிதாக 3 சொத்துகளை இருவரும் வாங்கியுள்ளனர்.

ஒடிசா மாநிலத்தின் சுந்தர்கார் தொகுதியில் ஜுவல் ஓரம் நேற்று முன்தினம் தனது வேட்பு மனுவை தாக்கல் செய்தது குறிப்பிடத்தக்கது.ஜுவல் ஓரம்