புதுடெல்லி: காங்கிரஸ் மூத்த தலைவரும் மக்களவை எதிர்கட்சித் தலைவருமான ராகுல் காந்தியின் 55-வது பிறந்த நாளையொட்டி அவருக்கு பிரதமர் நரேந்திர மோடி உள்ளிட்ட தலைவர்கள் நேற்று வாழ்த்து தெரிவித்தனர்.
பிரதமர் மோடி வெளியிட்ட வாழ்த்துச் செய்தியில், “மக்களவை எதிர்க்கட்சித் தலைவர் ராகுல் காந்திக்கு பிறந்த நாள் வாழ்த்துகள். அவர் நீண்ட ஆயுளும் ஆரோக்கிய வாழ்க்கையும் பெற்றிட கடவுள் ஆசிர்வதிக்கட்டும்" என்று கூறியுள்ளார்.
இதுபோல் காங்கிரஸ் தேசிய தலைவர் மல்லிகார்ஜுன கார்கே மற்றும் கட்சியின் மூத்த தலைவர்கள், காங்கிரஸ் ஆளும் மாநில முதல்வர்கள், லாலு பிரசாத் யாதவ், சரத் பவார், மு.க.ஸ்டாலின், அகிலேஷ் யாதவ் உள்ளிட்ட கூட்டணிக் கட்சிகளின் தலைவர்களும் ராகுல் காந்திக்கு வாழ்த்து தெரிவித்தனர். காங்கிரஸ் தொண்டர்கள் அவரது பிறந்த நாளை கொண்டாடினர்.