வெளிநாடு செல்லும் எம்பிக்கள் குழுவில் இருந்து பதான் விலகல்: மம்தா பானர்ஜிக்கு பாஜக கண்டனம்

புதுடெல்லி: வெளி​நாடு செல்​லும் எம்​பிக்​கள் குழு​வில் இருந்து திரிண​மூல் காங்​கிரஸ் எம்பி யூசுப் பதான் விலகி உள்​ளார்.

எல்லை தாண்​டிய தீவிர​வாதத்தை ஊக்​கு​வித்து வரும் பாகிஸ்​தான் குறித்து உலக நாடு​களின் தலை​வர்​களிடம் ஆதா​ரத்​துடன் விளக்​கும்​வித​மாக சசி தரூர், கனி​மொழி உட்பட 7 பேர் தலை​மை​யில் எம்​பிக்​கள் குழுக்​களை மத்​திய அரசு அமைத்​துள்​ளது.

இந்த 7 குழுக்​களில் 59 பேர் இடம் பெற்​றுள்​ளனர். இதில் 51 பேர்எம்​பிக்​கள், ஆவர். 8 பேர் வெளி​யுறவுத் துறை அதி​காரி​கள் ஆவர். பாஜக தலை​மையி​லான தேசிய ஜனநாயக கூட்​ட​ணியை சேர்ந்த 31 எம்​பிக்​கள், எதிர்க்​கட்​சிகளை சேர்ந்த 20 எம்​பிக்​கள் 7 குழுக்​களில் இடம்​பெற்​றுள்​ளனர்.

ஐக்​கிய ஜனதா தள எம்பி சஞ்​சய் ஜா தலை​மையி​லான குழு​வில் திரிண​மூல் காங்​கிரஸை சேர்ந்த எம்பி யூசுப் பதான் இடம்​பெற்​றிருந்​தார். இந்த குழு இந்​தோ​னேசி​யா, மலேசி​யா, தென்​கொரி​யா, ஜப்​பான், சிங்​கப்​பூர் ஆகிய நாடு​களுக்கு பயணம் செய்ய திட்​ட​மிடப்​பட்டு உள்​ளது.

தன்னிச்சையாக... இதுதொடர்​பாக திரிண​மூல் காங்​கிரஸ் தலை​வர்​கள் நேற்று கூறும்​போது, “வெளி​நாடு​கள் செல்​லும் எம்​பிக்​கள் குழு தொடர்​பாக மத்​திய அரசு எங்​கள் கட்சி தலை​மை​யுடன் ஆலோ​சனை நடத்​த​வில்​லை. தன்​னிச்​சை​யாக குழுக்​களை மத்​திய அரசு நியமித்து உள்​ளது. நாங்​கள் விரும்​பும் பிர​தி​நி​தி​களை மட்​டுமே எம்​பிக்​கள் குழுக்​களில் சேர்த்து கொள்ள வேண்​டும்” என்று தெரி​வித்​தனர். இதைத் தொடர்ந்து எம்​பிக்​கள் குழு​வில் இருந்து யூசுப் பதான் வில​கி​விட்​டார்.

இதுகுறித்து பாஜக மூத்த தலை​வர் அமித் மாள​வியா கூறிய​தாவது:மேற்​கு​வங்க முதல்​வரும் திரிண​மூல் காங்​கிரஸ் தலை​வரு​மான மம்தா பானர்​ஜி​யின் முடி​வால் திரிண​மூல் எம்பி யூசுப் பதான் எம்​பிக்​கள் குழு​வில்இருந்து விலகி உள்​ளார். இது துர​திஷ்ட​வச​மானது. எம்​பிக்​கள்குழுக்​களின் வெளி​நாட்டு பயணம் நாட்​டின் நலன் சார்ந்​தது, அரசி​யலுக்கு அப்​பாற்​பட்​டது. இந்த விவ​காரத்​தில் முதல்​வர் மம்தா பானர்ஜி அரசி​யல் செய்​வதை ஏற்​றுக் கொள்ள முடிய​வில்​லை. இவ்​வாறு அமித் மாள​வியா தெரி​வித்​துள்​ளார்.