இந்தியா, பாகிஸ்தான் இரண்டிலும் குடியுரிமை இழப்பு: உ.பி.யின் பரேலியில் 14 ஆண்டுகளாக மகளுடன் தவிக்கும் பெண்

புதுடெல்லி: இந்தியா - பாகிஸ்தான் என இரண்டு நாட்டு குடியுரிமையும் இல்லாமல் உ.பி.யில் பெண் ஒருவர் தவித்து வருகிறார்.

கடந்த 1947-ம் ஆண்டு பாகிஸ்​தான் பிரி​வினை​யின் போது, இரு நாடு​களி​லும் ஒரே குடும்​பத்​தின் உறவு​களும் பிரிந்​தன. இந்த எண்​ணிக்கை பஞ்​சாப், உத்தர பிரதேசத்​தில் அதி​கம். இரு நாடு​களி​லும் பிரிந்த உறவு​கள் திரு​மணங்​கள் மூலம் மீண்​டும் சேர்​வது வழக்​க​மாக உள்​ளது.

அந்த வகை​யில், உ.பி.​யின் பரேலி​யில் சுபாஷ் நகரைச் சேர்ந்த முஸ்​லிம் பெண் ஒரு​வர் தன் குடும்​பத்​தில் பிரிந்த ஒரு உறவுடன் 14 ஆண்​டுக்கு முன்பு திரு​மணம் முடித்​தார். பிறகு பாகிஸ்​தான் சென்​றவருக்கு அந்த நாட்டு குடி​யுரிமை​யும் கிடைத்​தது. இதனால் அந்த பெண்​ணின் இந்​திய குடி​யுரிமை ரத்​தானது.

இதற்​கிடை​யில், திரு​மண​மாகி ஒரே ஆண்​டில் விவாகரத்​தானது. இதையடுத்து அந்த பெண் உ.பி.​யில் உள்ள தாய் வீட்​டுக்கு வந்து விட்​டார். வாழ்க்​கையை இழந்த விரக்​தி​யில் இந்​திய குடி​யுரிமை பற்றி கவலைப்​பட​வில்​லை. இங்கு அவருக்கு ஒரு பெண் குழந்​தை​யும் பிறந்​தது. இப்​போது 13 வயதாகி விட்ட தன் மகளு​டன் சேர்த்து அந்த பெண்​ணுக்​கும் இந்​தி​யர் என்​ப​தற்​கான எந்த அடை​யாள​மும் இல்​லை.

இந்​நிலை​யில், பஹல்​காம் தாக்​குதலுக்​குப் பிறகு பாகிஸ்​தானியர்​கள் வெளி​யேற மத்​திய அரசு உத்​தர​விட்​ட​தால் அந்​தப் பெண்​ணுக்கு சிக்​கல் ஏற்​பட்​டுள்​ளது. இதையடுத்து வழக்​கறிஞர் உதவி​யுடன் இந்​திய குடி​யுரிமை பெறு​வதற்​கான முயற்​சிகளில் அவர் ஈடு​பட்​டுள்​ளார்.

இந்​தி​யா​வில் பிறந்த அவரது மகள் குறித்த விவரங்​களை​யும் இங்கு எந்த ஒரு அதி​காரப்​பூர்வ ஆவணத்​தி​லும் பதிவு செய்​யாமல் இருந்து விட்​டார். இதனால், அப்​பெண்​ணுடன் சேர்ந்து அவரது மகளும் சிக்​கலுக்கு உள்​ளாகி விட்​டார்.

தற்​போது பரேலி​யில் அந்த பெண், வீடு​களில் வேலை செய்து மகளை வளர்த்து வரு​கிறார். இப்​பகு​தி​யில் அவர் பாகிஸ்​தானி என்ற பெயரிலேயே அழைக்​கப்​படு​கிறார். இவருக்​காக வழக்​கறிஞர் ஒரு​வர் இரக்​கப்​பட்டு வழக்கை நடத்தி வரு​கிறார். பணம் கேட்​காத அந்த வழக்​கறிஞர், பெண்​ணின் விவரம் வெளி​யிட வேண்​டாம் என்​று கேட்​டுக்​ கொண்​டுள்​ளார்​.