தேங்காய் உற்பத்தியில் கர்நாடகா முதலிடம்: இரண்டாம் இடத்தில் தமிழ்நாடு

பெங்களூரு: மத்திய தென்னை வளர்ச்சி வாரியம் அண்மையில் வெளியிட்ட அறிவிப்பில், ‘‘கடந்த 2016-ம் ஆண்டு முதல் நாட்டில் தேங்காய் உற்பத்தியில் கேரளா முதல் இடத்தில் இருந்தது.

கடந்த 2022-23-ம் ஆண்டில் கேரளா 563 கோடி தேங்காய்களை உற்பத்தி செய்த நிலையில், கர்நாடகா 595 கோடி தேங்காய்களை உற்பத்தி செய்துள்ளது. கேரளாவை காட்டிலும் சுமார் 30 கோடி தேங்காய்களை அதிகமாக உற்பத்தி செய்து கர்நாடகா முதலிடத்தை பிடித்துள்ளது.

கடந்த 2023-24-ம் ஆண்டு தற்காலிக மதிப்பீடுகளின்படி, கர்நாடகா 726 கோடி தேங்காய்களை உற்பத்தி செய்து முதலிடத்தில் உள்ளது. 578 கோடி தேங்காய்களை உற்பத்தி செய்து தமிழ்நாடு 2-ம் இடத்தை பிடித்துள்ளது. இந்த பட்டியலில் 564 கோடி தேங்காய்களை உற்பத்தி செய்து கேரளா 3-வது இடத்தில் பின்தங்கியுள்ளது.