மகா கும்​பமேளா​வில் பங்கேற்க வந்த ஸ்டீவ் ஜாப்ஸ் மனைவி லாரன் பவ்லின் 20 நாள் முகாம் திடீர் ரத்து

புதுடெல்லி: ஆப்பிள் நிறு​வனத்​தின் இணை நிறு​வனர் ஸ்டீவ் ஜாப்​ஸின் மனைவி லாரன் பவ்லின் 20 நாள் முகாம் திடீர் என ரத்தானது. உடல்​நலக் குறைவு காரணமாக மகா கும்​பமேளா​வில் இருந்து 3 நாட்​களில் பூடான் சென்​றார்.

உத்தர பிரதேச மாநிலம் பிரயாக்​ராஜில் கடந்த 13-ம் தேதி மகா கும்​பமேளா தொடங்​கியது. இதில் பங்கேற்க ஸ்டீவ் ஜாப்​ஸின் மனைவி லாரன் பவ்லின் அமெரிக்​கா​வில் இருந்து உ.பி. வந்தார். தனது குரு மகரிஷி வைஸானந்த் கிரி​யுடன் அவர் வந்திருந்​தார். மகா கும்​பமேளா நடைபெறும் பகுதி​யில் நிரஞ்சனி அகாடா​வில் லாரன் தங்கினார். இந்நிலை​யில், அமெரிக்​கா​வின் அரிசோனா​வில் யோகா பயிற்சி நிலையம் நடத்து​வதுடன் இந்து மதக் கொள்​கைகளை பரப்பி வரும் மகரிஷி வைஸானந்த் கிரிக்கு, மகா மண்டலேஷ்வர் பதவி அளிக்​கப்​பட்​டது.

அதேபோல் லாரன் பவ்லின் மகா கும்​பமேளா​வில் 17 நாட்கள் கல்பவாசம் செய்யத் திட்​ட​மிட்​டிருந்​தார். ஆனால், முதல் நாள் மகர சங்க​ராந்தி அன்று ராஜகுளியல் முடித்​தவருக்கு உடல்​நலக் குறைவு ஏற்பட்​டுள்​ளது. இதுகுறித்து ‘இந்து தமிழ் திசை’ நாளிதழிடம் நிரஞ்சனி அகாடா​வினர் கூறிய​தாவது: ராஜகுளியல் முடித்த லாரன், மறுநாள் அம்ரித் எனும் 2-வது ராஜகுளியலை எடுக்க முடிய​வில்லை. அகாடா தலைவர் மகா மண்டலேஷ்வர் சுவாமி கைலாசானந்த் கிரி வழிகாட்டு​தலின்​படி, மகா காளி​யின் மந்திரங்களை லாரன் ஓதினார். பிறகு அவர் கும்​பமேளா முகாமை ரத்து செய்​து​விட்டு திடீரென கிளம்பி விட்​டார்.

பெரும் செல்​வந்​தராக இருந்​தும் எங்களுடன் மிக எளிமை​யாகவே இருந்​தார். அகாடா​வில் பல்வேறு மூத்த துறவி​களிடம் சனாதனம் குறித்து கேட்​டறிந்​தார், இந்து மதத்​தில் இணைவார் அல்லது துறவி​யா​வார் எனக் கருதினோம். உடல்​நலம் சரியான பிறகு அவர் மீண்​டும் திரும்​புவார் என எதிர்​பார்க்​கிறோம். இவ்வாறு அகாடா​வினர் தெரி​வித்​தனர்.

புத்​த மதத்​தில் ஸ்டீவ்: ஸ்டீவ் ஜாப்ஸ், 1970-களில் இந்தியா வந்த பிறகு, புத்த மதத்தை பின்​பற்ற தொடங்​கினார். கிறிஸ்தவரான ஸ்டீவ் பின்னர் புத்த மத முறைப்படி லாரன் பவ்லினை திரு​மணம் செய்​துள்ளார். கடந்த 2011-ம் ஆண்டு இறந்த ஸ்டீவ் உடலுக்கு அவரது குடும்பத்​தினர் புத்த மதத்​தின் வழியில் இறுதிச் சடங்​குகள் செய்​தனர்.

கும்​பமேளா​வில் பங்கேற்க வேண்​டும் என்பது ஸ்டீவ் ஜாப்​ஸின் கனவாக இருந்​துள்ளது. இதுதொடர்பாக அவர் எழுதிய ஒரு கடிதம், ரூ.4.2 கோடிக்கு ஏலம் ​போனது. இந்​நிலை​யில், கணவர் ஸ்​டீ​வின் ஆசையை நிறைவேற்ற, மகா கும்​பமேளா​வுக்கு லாரன் வந்​திருந்​தார்.