காஷ்மீரில் என்கவுன்ட்டர்: 3 தீவிரவாதி உயிரிழப்பு

ஸ்ரீநகர்: ஜம்மு காஷ்மீரில் தீவிரவாத ஊடுருவலைத் தடுக்கும் நடவடிக்கையில் இந்திய ராணுவம் தீவிரமாக ஈடுபட்டுள்ளது.

இந்நிலையில், நேற்று 3 தீவிரவாதிகளை இந்திய ராணுவத்தினர் சுட்டுக்கொன்றனர். ஜம்மு காஷ்மீர் குப்வாரா மாவட்டத்தில் அமைந்துள்ள கிரான் செக்டார் எல்லைப் பகுதியில் இந்த என்கவுன்ட்டர் சம்பவம் நடைபெற்றுள்ளது.

ஜம்மு காஷ்மீரில் சமீபமாக தீவிரவாதத் தாக்குதல் அடிக்கடி நடைபெற்று வருகிறது. கதுவா, தோடா, ரியாசி, உதம்பூர் ஆகிய மாவட்டங்களில் நடந்த தீவிரவாதத் தாக்குதலில் 9 ஆன்மிகபயணிகள், 6 பாதுகாப்புப் படையினர் என 15 பேர் உயிரிழந்தது குறிப்பிடத்தக்கது.