Published : 18 Jan 2018 10:09 am

Updated : 18 Jan 2018 10:09 am

 

Published : 18 Jan 2018 10:09 AM
Last Updated : 18 Jan 2018 10:09 AM

கைதாவதை தவிர்க்க நாடகமாடினார் தொகாடியா: குஜராத் போலீஸார் குற்றச்சாட்டு

விஸ்வ இந்து பரிஷத் (விஎச்பி) தலைவர் பிரவீன் தொகாடியா கைதாவதை தவிர்ப்பதற்காக நாடகமாடினார் என குஜராத் குற்றப் பிரிவு போலீஸார் குற்றம் சாட்டி உள்ளனர்.

10 ஆண்டுகளுக்கு முந்தைய வழக்கு தொடர்பாக தொகாடியாவை கைது செய்வதற்காக, ராஜஸ்தான் போலீஸார் அகமதாபாத்தில் உள்ள அவரது வீட்டுக்கு கடந்த 15-ம் தேதி சென்றனர். இதையடுத்து தலைமறைவானார். பின்னர் அவர் மயக்கமடைந்த நிலையில் மருத்துவமனையில் அனுமதிக்கப்பட்டதாகக் கூறப்பட்டது. இந்நிலையில், 16-ம் தேதி மருத்துவமனை வளாகத்தில் அவர் செய்தியாளர்களிடம் கூறும்போது, “ராஜஸ்தான் போலீஸார் என்னை என்கவுன்ட்டரில் கொல்ல திட்டமிட்டிருந்தனர். இந்துக்களுக்கு ஆதரவாக பேசும் எனது குரலை ஒடுக்க சிலர் முயற்சி செய்கின்றனர்” என குற்றம் சாட்டினார்.

இதுகுறித்து அகமதாபாத் காவல் (குற்றப் பிரிவு) இணை ஆணையர் ஜே.கே.பட் நேற்று கூறும்போது, “பால்டி என்ற இடத்தில் உள்ள விஎச்பி அலுவலகத்திலிருந்து 15-ம் தேதி காலையில் தனது உதவியாளர் ஒருவருடன் புறப்பட்ட தொகாடியா, தல்டெஜ் பகுதியில் உள்ள கன்ஷ்யாம்பாய் சரண்தாஸ் வீட்டுக்கு சென்றுள்ளார். அப்போது சுயநினைவுடன்தான் இருந்துள்ளார். அங்கிருந்து தொகாடியாவுடன் காரில் புறப்பட்ட சரண்தாஸ், கோடார்பூர் பகுதிக்கு ஆம்புலன்ஸை வரவழைத்துள்ளார். அங்கு காரிலிருந்த தொகாடியாவை ஆம்புலன்சில் ஏற்றி மருத்துவமனைக்கு அனுப்பியுள்ளார். தொகாடியா நல்ல நினைவுடனே மருத்துவமனையில் அனுமதிக்கப்பட்டுள்ளார். கைது நடவடிக்கையை தவிர்க்க தொகாடியா இந்த நடகத்தை அரங்கேற்றி உள்ளார்” என்றார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Sign up to receive our newsletter in your inbox every day!

You May Like

More From This Category

More From this Author