4 - திருவள்ளூர்

2021 தேர்தலில் போட்டியிடும் முக்கிய வேட்பாளர்கள் விபரம்:

திருவள்ளூர் சட்டப்பேரவை தொகுதி, மாவட்ட தலைநகரான திருவள்ளூர், திருவள்ளூர் வட்டத்தின் பெரும்பகுதி மற்றும் திருத்தணி வட்டத்தின் திருவாலங்காடு ஊராட்சி ஒன்றிய பகுதிகள் அடங்கியது. இத்தொகுதியில் வென்ற அதிமுகவைச் சேர்ந்த பி.வி.ரமணா, வணிக வரித் துறை மற்றும் பால்வளத் துறை அமைச்சராக பதவி வகித்துள்ளார்.

பூந்தமல்லி, கும்மிடிப்பூண்டி, திருத்தணி சட்டப்பேரவை தொகுதிகள் மற்றும் காஞ்சிபுரம் மாவட்டம் என, திருவள்ளூர் தொகுதியின் எல்லைகள் அமைந்துள்ளன. இத்தொகுதியில், கடந்த நவம்பர் (2020) 16-ம் தேதி வெளியிடப்பட்ட வரைவு வாக்காளர் பட்டியல் விவரங்களின்படி, ஒரு லட்சத்து 30 ஆயிரத்து 92 ஆண் வாக்காளர்கள், ஒரு லட்சத்து 36 ஆயிரத்து 620 பெண் வாக்காளர்கள், 22 இதர வாக்காளர்கள் என, மொத்தம் 2 லட்சத்து 66 ஆயிரத்து 734 வாக்காளர்கள் உள்ளனர்.

108 வைணவ தலங்களில் ஒன்றான வீரராகவ பெருமாள் கோயில், மாவட்ட ஒருங்கிணைந்த நீதிமன்ற வளாகம், மாவட்ட ஆட்சியர் அலுவலகம், மாவட்ட காவல் துறை அலுவலகம் உள்ளிட்டவைகளை தன்னகத்தே கொண்டுள்ளது திருவள்ளூர் சட்டப்பேரவை தொகுதி.

அதுமட்டுமல்லாமல், திருத்தணி கூட்டுறவு சர்க்கரை ஆலை, திருவாலங்காடு வடாரண்யேஸ்வரர் கோயில், சென்னையின் குடிநீர் தேவையை கணிசமாக தீர்க்கக் கூடிய பூண்டி நீர்த்தேக்கம் ஆகியவையும் இத்தொகுதியில்தான் உள்ளது.

கார் உதிரி பாகங்கள் தயாரிக்கும் தொழிற்சாலைகள், தனியார் மற்றும் அரசு கல்வி நிறுவனங்களைக் கொண்டுள்ள திருவள்ளூர் தொகுதியின் முக்கிய தொழிலாக விவசாயமே திகழ்கிறது.

இத்தொகுதியில் தலித் மற்றும் வன்னியர் சமூகத்தினர் கணிசமாக வசித்து வருகின்றனர்.

மாவட்ட ஆட்சியர் அலுவலகம் அருகே அனைத்து வசதிகளுடன் கூடிய பஸ் நிலையம் அமைக்கப்படும் என்ற அரசின் அறிவிப்பு பல ஆண்டுகளாக செயல்பாட்டுக்கு வராதது முக்கிய பிரச்சினையாக உள்ளது.

மேலும்,மாவட்ட தலைநகரான திருவள்ளூரில் அரசு கலைக்கல்லூரி அமைக்கவேண்டும், பூண்டி நீர்த்தேக்கத்தை சுற்றுலா தலமாக ஆக்கவேண்டும் உள்ளிட்ட பல்வேறு கோரிக்கைகள் நீண்ட காலமாக கோரிக்கைகளாகவே தொடர்ந்து வருகிறது என தொகுதிவாசிகள் குற்றம்சாட்டுகின்றனர்.

திருவள்ளூர் தொகுதியில் கடந்த 1951 முதல் 2016 வரை நடந்த 15 தேர்தல்களில், 6 முறை திமுகவும், 5 முறை அதிமுகவும், 2 முறை காங்கிரஸும், ஒரு முறை தமாகாவும், ஒரு முறை கிசான் மஸ்தூர் பிரஜா கட்சியும் வெற்றி பெற்றுள்ளன. இதில், 2016-ல் நடந்த சட்டப்பேரவை தேர்தலில், திமுக வேட்பாளர் வி.ஜி. ராஜேந்திரன் 80 ஆயிரத்து,473 வாக்குகள் பெற்று வெற்றி பெற்றார். அவரை எதிர்த்து போட்டியிட்ட அதிமுக வேட்பாளர் அ.பாஸ்கரன் 75 ஆயிரத்து, 335 வாக்குகள் பெற்று, தோல்வியை தழுவினார்.

2020-ன்படி வாக்காளர்கள் விவரம்:

2016 தேர்தல் வேட்பாளர்கள் விவரம்

தொகுதியில் அடங்கும் பகுதிகள்

திருத்தணி வட்டம்

அருங்குளம், மாமண்டூர், அரும்பாக்கம், குப்பம், ஆற்காடு, நெடம்பரம், பணப்பாக்கம், கூளூர், காஞ்சிப்பாடி, முத்துகொண்டபுரம், இலுப்பூர், நாபளூர், ராமாபுரம், காவேரிராஜபுரம், அத்திப்பட்டு, வேணுகோபாலபுரம், வீரராகவபுரம், திருவாலங்காடு, வியாசாபுரம், பழையனூர், ஜாகீர்மங்கலம், ராஜபத்மபுரம், மணவூர், கபுலகண்டிகை, மருதவள்ளிபுரம், அரிச்சந்திரபுரம், ஜே.எஸ்.ராமபுரம், பெரிகளகத்தூர், ஒரத்தூர், லக்ஷ்மிவிலாஸபுரம், பாகசாலை, சின்னமண்டலி மற்றும் களம்பாக்கம் கிராமங்கள்.

திருவள்ளூர் வட்டம்

அட்சன்புரம், பிளேஸ்பாலயம், கெங்குளுகண்டிகை, அல்லிக்குழி, கிரீன்வேல்நத்தம், சென்றாயன்பாலயம், தோமூர், திருப்பேர், அரும்பாக்கம், ரங்காபுரம், கிருஷ்ணாபுரம், பூண்டி, கண்ணம்மாபேட்டை, மூவூர், நெய்வேலி, இராமதண்டலம், செயஞ்சேரி, எறையூர், மொன்னவேடு, சித்தம்பாக்கம், ராமஞ்சேரி, காரநிசாம்பேட்டை, குன்னவலம், பட்டரைபெரும்புதூர், கனகவல்லிபுரம், பாண்டூர், திருப்பாச்சூர், திருவள்ளூர், பிரையாங்குப்பம், பள்ளியரைக்குப்பம், காரணை, ஆட்டுப்பாக்கம், நெமிலியகரம், கீழ்விளாகம், மேல்விளாகம், கலியனூர், விடையூர், வெண்மனம்புதூர், கடம்பத்தூர், ஏகாட்டூர், மேல்நல்லாத்தூர், கொப்பூர், நயம்பாக்கம், பாப்பரம்பாக்கம், வலசைவெட்டிக்காடு, எல்லுப்பூர், போளிவாக்கம், நுங்கம்பாக்கம், பிஞ்சிவாக்கம், கசவநல்லாத்தூர், அலரம், பானம்பாக்கம், ராமன் கோயில், மடத்துக்குப்பம், செஞ்சி, தென்காரணை, சிட்ரம்பாக்கம், காவாங்கொளத்தூர், புதுமாவிலங்கை, சத்தரை, எறையாமங்கலம், அழிஞ்சிவாக்கம், மப்பேடு, கீழ்ச்சேரி, கொண்டஞ்சேரி, பேரம்பாக்கம், நரசிங்கபுரம், இருளஞ்சேரி, குமாரஞ்சேரி, கூவம், பிள்ளையார்க்குப்பம், கோவிந்தமேடு, உளுந்தை, தொடுகாடு, வயலூர், கோட்டையூர், காரணை, கல்லம்பேடு, உத்தரம்பாக்கம், கண்ணூர், புதுப்பட்டு, சேலை மற்றும் திருப்பந்தியூர் கிராமங்கள்.

திருவள்ளூர் நகராட்சி மற்றும் வெங்கத்தூர் சென்சஸ் டவுன்

2016 சட்டப் பேரவை தேர்தல்- வாக்கு விவரங்கள்

திருவள்ளூர் தொகுதி கடந்து வந்த தேர்தல்கள் (1951 - 2011 )

2006 - தேர்தல் ஒரு பார்வை

2011 - தேர்தல் ஒரு பார்வை