பேரம் பேசுவது நோக்கமல்ல: விஜயகாந்த் மகன் தகவல்

பெரம்பலூர் மாவட்ட தேமுதிக சார்பில் தேர்தல் ஆலோசனை கூட்டம் நேற்று முன்தினம் மாலை பெரம்பலூரில் நடைபெற்றது.

இக்கூட்டத்துக்கு தேமுதிக தலைவர் விஜயகாந்தின் மகன் விஜயபிரபாகரன் பேசியது: சாமானிய மக்களுக்காக சுயம்புவாக ஆரம்பிக்கப்பட்ட கட்சி தேமுதிக. பேரவையில் மக்கள் பிரச்சினை குறித்து பேசியதால்தான் அதிமுகவுக்கும், தேமுதிகவுக்கும் கருத்து வேறுபாடு ஏற்பட்டது.

கூட்டணி பேரம் பேசுவது எங்களது நோக்கமல்ல. இலக்கை அடைய இப்போது இருக்கும் சூழலில் 2, 3 வழிகளில் செல்ல வேண்டியுள்ளது. கூட்டணி பேச்சுவார்த்தையில் அனைத்து கட்சிகளும் அவசரப்படுகின்றன. தலையே போனாலும் தேமுதிகவை தலைகுனிய விடமாட்டோம். நாங்கள் நினைத்தால் 234 தொகுதியில் தனித்து நின்று வெற்றிபெற முடியும். வாரிசு இல்லாதவர்களே வாரிசு அரசியல் பற்றி பேசுகின்றனர். அதிமுக, திமுக ஆகிய 2 கட்சிகளும் எங்களுக்கு நல்லதும், துரோகமும் செய்துள்ளன. அரசியலில் நிரந்த நண்பனும் இல்லை, எதிரியும் இல்லை. மாற்றம் தேவை, அதை தேமுதிகவால் மட்டுமே கொண்டுவர முடியும் என்றார்.