தென் சென்னை மக்களவைத் தொகுதி

படித்த, பணியாளர்கள் அதிகம் வசிக்கும் தொகுதி இது. ஐடி நிறுவனங்கள் அதிகம் உள்ள ஓஎம்ஆர் பகுதியையும் உள்ளடக்கிய தொகுதி. வெளி மாநிலத்தவர்களும் கணிசமாக வசிக்கும் தொகுதி இது. அதிகமான மக்கள் நெருக்கமும், வணிக, வர்த்தக நிறுவனங்களும் உள்ள பகுதி.

சென்னையில் வர்த்தக மையப்பகுதியாக விளங்கும் தியாகராய நகரும் இந்த தொகுதிகள் அமைந்துள்ளது.

முரசொலி மாறன், டி.ஆர்.பாலு போன்ற திமுக மூத்த தலைவர்களும், காங்கிரஸ் மூத்த தலைவரான மறைந்த வெங்கட்ராமன் போன்றவர்களும் போட்டியிட்டு வென்ற தொகுதி இது. திமுகவை தவிர தேசியக்கட்சிகளுக்கும் ஒரளவு வாக்கு வங்கி உள்ள தொகுதி.

காங்கிரஸ் சார்பில் வைஜெயந்தி மாலா போட்டியிட்டு வென்ற தொகுதி. பாஜகவைச் சேர்ந்த மறைந்த தலைவர் ஜனா.கிருஷ்ணமூர்த்தி, மூத்த தலைவர் இல.கணேசன் ஆகியோர் இங்கு போட்டியிட்ட போதிலும் வெற்றி பெறவில்லை. கடந்த 2 தேர்தல்களில் அதிமுகவே இந்த தொகுதியில் முத்திரை பதித்து வருகிறது.

இடம் பெற்றுள்ள சட்டப்பேரவைத் தொகுதிகள்

மயிலாப்பூர்

தி.நகர்

சைதாப்பேட்டை

விருகம்பாக்கம்

வேளச்சேரி

சோழிங்கநல்லூர்

தற்போதைய எம்.பி

ஜெயவர்த்தன், அதிமுக

2014-ம் ஆண்டு பொதுத் தேர்தல் நிலவரம்

கட்சி	வேட்பாளர்	வாக்குகள்
அதிமுக	ஜெயவர்த்தன்	438404
திமுக	டி.கே.எஸ் இளங்கோவன்	301779
பாஜக	இல.கணேசன்	256786
காங்	ரமணி	24420
ஆம் ஆத்மி	ஜாகிர் உசேன்	17312

முந்தைய தேர்தல்கள்

ஆண்டு	வென்றவர்	2ம் இடம்
1971	முரசொலி மாறன், திமுக	நரசிம்மன், சுதந்திரா கட்சி
1977	வெங்கட்ராமன், காங்	முரசொலி மாறன், திமுக
1980	வெங்கட்ராமன், காங்	சுலோச்சனா சம்பத், அதிமுக
1984	வைஜெயந்தி மாலா,	காங் இரா.செழியன், ஜனதா
1989	வைஜெயந்தி மாலா, காங்	ஆலடி அருணா, திமுக
1991	ஸ்ரீதரன், அதிமுக	டி.ஆர்.பாலு, திமுக
1996	டி.ஆர்.பாலு, திமுக	கணேசன், அதிமுக
1998	டி.ஆர்.பாலு, திமுக	ஜனா.கிருஷ்ணமூர்த்தி, பாஜக
1999	டி.ஆர்.பாலு, திமுக	தண்டாயுதபாணி, காங்
2004	டி.ஆர்.பாலு, திமுக	பதர் சயீத், அதிமுக
2009	ராஜேந்திரன், அதிமுக	ஆர்.எஸ்.பாரதி, திமுக