166 - திருத்துறைப்பூண்டி (தனி)

திருவாரூர் மாவட்டம் திருத்துறைப்பூண்டி சட்டப்பேரவை தொகுதி முத்துப்பேட்டை பேரூராட்சி மற்றும் கோட்டூர் ஊராட்சி ஒன்றியத்திற்கு உட்பட்ட பகுதிகளை கொண்டதாகும். இதில் திருத்துறைப்புண்டி நகராட்சியில் 32 பஞ்சாயத்தில் 72 கிராமம் உள்ளது. முத்துப்பேட்டை போரூராட்சியில் 29 பஞ்சாயத்து 50 கிராமம் உள்ளது. இதில் கோட்டூர் ஊராட்சி ஒன்றியத்தியத்தில் 35 பஞ்சாயத்தில் 120 கிராமங்களை உள்ளடக்கியது.

வாக்காளர் எண்ணிக்கை மொத்தமாக 2,22,380, இதில் ஆண்கள் 1,10,978. பெண்கள் 1,11,401. திருநங்கை 1.

இந்த திருத்துறைப்பூண்டியின் சிறப்பாக அருள்மிகு பிறவி மருத்தீஸ்வரர் ஆலயம் மற்றும் பொங்கு சனீஸ்வரர் ஆலயம் மேலும் பழமையான லூர்து மாதா ஆலயமும் முத்துப்பேட்டையின் 100 ஆண்டுகள் பழமையான தர்காவும் உள்ளது. மேலும் சுற்றுலாத் தலமாக விளங்கும் அலையாத்தி காடுகள், உதயமார்த்தாண்டபுர பறவைகள் சரணாலயம் உள்ளது.

இந்த சட்டப்பேரவை தொகுதியில் தாழ்த்தப்பட்ட மக்கள் பெருமளவில் வசித்து வருவதால் இது தனிதொகுதியாக இருந்து வருகிறது. இந்த சட்டப்பேரவை தொகுதி அமைந்துள்ள பகுதி டெல்டா மாவட்டத்தின் கடைகோடி பகுதியாகும். இங்கு பிராதான தொழிலாக விவசாயம் மற்றும் அதனை சார்ந்த தொழிலாவே காணப்படுகிறது. இந்த தொகுதியில் விவசாயிகளும், விவசாயத் தொழிலாளர்களும் அதிகம் வசிக்கும் பகுதியாகும்.

ஆகவே இந்த தொகுதியில் சட்டப்பேரவை தொகுதியில் வேட்பாளர்களின் வெற்றியை நிர்ணயிப்பவர்கள் விவசாயிகள் மட்டுமே ஆவர். கடந்த கால தேர்தலில் வெற்றி பெற்றவர்கள் விபரம்.

இ.தேசிய காங்கிரஸ் - 1957 (1 முறை), தி.மு.க – 1967 (1 முறை), இ.கம்யூனிஸ்ட் கட்சி – (1962,1971,1977,1980,1984,1989,1991,1996,2001,2006,2011) – 11 முறை வெற்றி பெற்றுள்ளது.

2011-ல் சட்டப்பேரவை தேர்தலில் சிபிஐ சார்பாக உலகநாதனும் காங்கிரஸ் திமுக கூட்டணியின் செல்லதுரையும் போட்டியிட்டனர். இதில் உலகநாதன் வெற்றி பெற்றார்.

சிறப்பம்சங்கள்:

இங்கு ஏழை எளிய மற்றும் பாமர மக்கள் அதிகமாக வசித்து வருவதால் மாணவர்களுக்கு மேல்படிப்பிற்கு பாரதிதாசன் உறுப்பு கல்லூரியை கொண்டு வரப்பட்டது. கொருக்கையில் பல்தொழில்நுட்ப கல்லூரி ஆகியவை.

தீர்க்க வேண்டிய பிரச்சினைகள்: திருவாரூர் - திருத்துறைப்பூண்டி- காரைக்குடி ரயில் அகல பாதை இன்னும் சீரமைக்கப்படவில்லை.

திருக்குவளை- திருத்துறைப்பூண்டி புதிய ரயில் பாதை திட்டம் கிடப்பில் போடப்பட்டது. முத்துப்பேட்டை தாலுகாவாக அறிவிக்கப்பட்டு இதுவரை அமல்படுத்தப்படவில்லை.

விவசாயத் தொழிலாளர்கள் புலம் பெயர்ந்து தொழிலுக்காக கேராளா மற்றும் திருப்பூருக்கு செல்வதை தடுக்கும் வி்தத்தில் சிறப்பு திட்டத்தை அமல்படுத்தப்படாமல் உள்ளது.

மழைக்காலங்களில் வெள்ளத் தடுப்புகளை ஏற்படுத்தும் வாய்க்கால்கள், ஆறுகளை சீரமைக்க நிரந்த தீர்வு காண வேண்டும்.

ஊராட்சி தோறும் நூலகம் வேண்டும் என கோரிக்கை வைத்தும் நிறைவேற்றப்படாமல் உள்ளது.

விவசாயத்தை அடிப்படையாக கொண்ட இந்த சட்ட மன்றத்தில் வேளாண்மை கல்லூரி வேண்டும் என கோரிக்கை வைத்தும் இன்றுவரை நிறைவேற்றப்படாமல் உள்ளது.

2016 தேர்தலில் கலம் காணும் வேட்பாளர்கள் விவரம்

தொகுதியில் அடங்கியுள்ள பகுதிகள் :

திருத்துறைப்பூண்டி வட்டம்

மன்னார்குடி வட்டம் (பகுதி)

ரெங்கநாதபுரம், பனையூர், நோக்கமுக்கடை, கோட்டூர் தோட்டம், கோட்டூர், புழுதிக்குடி, ஆலத்தூர், கருப்புகிளார், வட்டார், பைங்காட்டூர், ஒரத்தூர், நல்லூர், அக்கரைகோட்டகம், திருக்களார், குறிச்சிமுலை-மி, குறிச்சிமுலை-மிமி, நாரயணபுரம் களப்பால், வெங்கத்தாங்குடி, கெழவத்தூர், மாணங்காத்தான் கோட்டகம், பாலையூர், பெருவிடமருதூர், தெற்குநாணலூர், நருவள்ளிகாளப்பால், குலமாணிக்கம், தேவதானம், மண்ணுக்குமுந்தான், பெருகவாழ்ந்தான், பெருகவாழ்ந்தான், செருகளத்தூர், சித்தமல்லி, நொச்சியூர், புத்தகரம், மளவராயநல்லூர், குன்னியூர், பள்ளிவர்த்தி, விக்கிரபாண்டியம், சேத்தமங்கலம், நெம்மேலி (கோட்டூர் உள்வட்டம்), அடிச்சபுரம், மற்றும் இருள்நீக்கி கிராமங்கள்.

29/04/2016-ன்படி வாக்காளர்கள் விவரம்:

தொகுதி கடந்து வந்த தேர்தல்கள் ( 1957 - 2011 )

2006 தேர்தல் ஒரு பார்வை

2011 - தேர்தல் ஒரு பார்வை