135 - கரூர்

கரூர் சட்டப்பேரவைத் தொகுதி 1952ம் ஆண்டு உருவாக்கப்பட்டது. மாவட்ட தலைநகர அந்தஸ்து கொண்ட இத்தொகுதியில் கரூர் நகராட்சியின் 44 வார்டுகள் மற்றும் கரூர் வட்டம், மண்மங்கலம் வட்டத்தின் சில பகுதிகள் கரூர், தாந்தோணி ஒன்றியங்களின் சில பகுதிகளை உள்ளடக்கியது.

சங்ககால சேர, சோழர்கள் தலைநகரம். அமராவதி ஆற்றில் கண்டெடுக்கப்பட்ட வெளிநாட்டு நாணயங்கள் கரூரில் வாணிப சிறப்பை பறைசாற்றுபவை. கரூர் வைஸ்யா வங்கி, லட்சுமி விலாஸ் என 2 வங்கிகள் கரூரில் தொடங்கப்பட்டவை. கைத்தறி என சிறப்பிக்கப்பட்ட கரூரில் 400க்கும் மேற்பட்ட ஜவுளி ஏற்றுமதி நிறுவனங்கள், நூற்றுக்கும் மேற்பட்ட கொசுவலை, பேருந்து கூண்டு கட்டும் நிறுவனங்கள், சாயப்பட்டறைகள் உள்ளன. கரூர் மாரியம்மன், நெரூர் சதாசிவ பிரமேந்திராள் கோயில், தனியார் பொறியியல் கல்லூரிகள், பள்ளிகள் உள்ளன.

கரூரில் இருந்து ஆண்டுக்கு ரூ.3,000 கோடிக்கு வீட்டு உபயோக ஜவுளி ஏற்றுமதி நடைபெறுகிறது. தலா ரூ.1,000 கோடிக்கு கொசுவலை உற்பத்தி மற்றும் பேருந்து கூண்டு கட்டுமானப் பணிகள் மேற்கொள்ளப்படுகின்றன. நிதி நிறுவனங்களுக்கு பெயர் பெற்ற கரூர் நகரில் மட்டும் 1000த்திற்கும் மேற்பட்ட நிதி நிறுவனங்கள் செயல்படுகின்றன.

சாயக்கழிவால் பெரும்பாலும் விவசாயம் அழிந்துவிட்ட நிலையிலும் நெல், கோரை ஆகியவை சாகுபடி செய்யப்படுகின்றன. கைத்தறிக்கு பெயர் பெற்ற கரூரில் தற்போது ஜவுளி ஏற்றுமதி, கொசுவலை உற்பத்தி, பேருந்து கூண்டு கட்டுதல், சாயமேற்றுதல் ஆகியவை முக்கிய தொழில்களாக உள்ளன.

கொங்கு வேளாள கவுண்டர்கள், முதலியார்கள், சோழிய வெள்ளாளர்கள், முத்தரையர்கள், தாழ்த்தப்பட்டவர்கள் அதிகளவு வசிக்கின்றனர்.

தொகுதியின் நீண்டகால பிரச்சனை சாயக்கழிவு. பூஜ்ய கழிவு இல்லாத 400க்கும் மேற்பட்ட சாயப்பட்டறைகள் மூடப்பட்டதால் பல ஆயிரம் பேர் வேலை இழந்தனர். சட்டவிரோதமாக செயல்படும் சாயப்பட்டறைகள் வெளியேற்றும் சாயக்கழிவால் அமராவதி ஆறு மாசுப்படுகிறது. சாயக்கழிவு பிரச்சனைக்கு நிரந்தர தீர்வு காணவேண்டும். கரூர் நகராட்சியில் தாந்தோணி, சணப்பிரட்டி பகுதிகளில் புதை சாக்கடை அமைக்கப்படவில்லை. கரூர், இனாம்கரூர், தாந்தோணி பகுதிகளை உள்ளடக்கி போடப்பட்ட காவிரி குடிநீர் திட்டத்தில் கரூர் பகுதியில் மட்டும் பணிகள் முடிக்கப்பட்டு உள்ளது. புதிய பேருந்து நிலையம், சுற்றுச்சாலை, மாநகராட்சியாக தரம் உயர்த்தும் கோரிக்கைகள் நிறைவேற்றப்படவில்லை.

அதிமுக 6 முறை, காங்கிரஸ் 5 முறை, திமுக 3 முறை வெற்றிப்பெற்றுள்ளன. கடந்த தேர்தலில் அதிமுகவை சேர்ந்த வி.செந்தில்பாலாஜி வெற்றிப்பெற்று 4 ஆண்டுக்கு மேலாக போக்குவரத்துத்துறை அமைச்சராக பொறுப்பு வகித்தார்.

2016 தேர்தலில் களம் காணும் வேட்பாளர்கள் விவரம்

வரிசை எண்	வேட்பாளர்	கட்சி
1	எம்.ஆர்.விஜயபாஸ்கர்	அதிமுக
2	பேங்க் கே.சுப்பிரமணியன்	காங்கிரஸ்
3	ஏ.ரவி	தேமுதிக
4	எம்.முருகேசன்	பாமக
5	கே.சிவசாமி	பாஜக
6	செல்வ.நன்மாறன்	நாம் தமிழர்

தொகுதியில் அடங்கியுள்ள பகுதிகள் :

கரூர் தாலுகா (பகுதி)

நஞ்சை கடம்பங்குறிச்சி, புஞ்சை கடம்பங்குறிச்சி, நன்னியூர், குப்பிச்சிபாளையம், வாங்கல், நெரூர் வடக்கு, நெரூர் தெற்கு, அச்சமாபுரம், சோழூர், பஞ்சமாதேவி, மின்னாம்பிள்ளி, மண்மங்கலம், ஆத்தூர், ஆண்டாங்கோவில் (மேற்கு), காடப்பாறை, திருமாநிலையூர் மற்றும் ஆண்டாங்கோயில் (கிழக்கு) கிராமங்கள்,

இனாம் கரூர் (நகராட்சி), கரூர் (நகராட்சி) மற்றும் தாந்தோணி (நகராட்சி).

29/04/2016-ன்படி வாக்காளர்கள் விவரம்:

ஆண்	1,11,069
பெண்	1,20,990
மூன்றாம் பாலினத்தவர்	2
மொத்த வாக்காளர்கள்	2,32,061

2016 சட்டப் பேரவை தேர்தல்- வாக்கு விவரங்கள்

தொகுதி கடந்து வந்த தேர்தல்கள் ( 1952 - 2011 )

ஆண்டு	வெற்றி பெற்றவர்	கட்சி	வாக்குகள்
1952	T. V. சன்னாசி மற்றும் M. மாணிக்கசுந்தரம்	இந்திய தேசிய காங்கிரஸ் மற்றும் சுயேச்சை	29429 மற்றும் 21113
1957	T. M. நல்லசாமி	இந்திய தேசிய காங்கிரஸ்	31611
1962	T. M. நல்லசாமி	இந்திய தேசிய காங்கிரஸ்	35969
1967	T. M. நல்லசாமி	இந்திய தேசிய காங்கிரஸ்	33552
1971	நல்லசாமி	திமுக	45977
1977	K. வடிவேல்	அதிமுக	33856
1980	M. சின்னசாமி	அதிமுக	54331
1984	K. வடிவேல்	அதிமுக	65363
1989	K. V. ராமசாமி	திமுக	54163
1991	M. சின்னசாமி	அதிமுக	89351
1996	வாசுகி முருகேசன்	திமுக	79302
2001	T. N. சிவசுப்பிரமணியன்	இந்திய தேசிய காங்கிரஸ்	82012
2006	V. செந்தில் பாலாஜி	அதிமுக	80214
2011	V. செந்தில் பாலாஜி	அதிமுக	99738

ஆண்டு	2ம் இடம் பிடித்தவர்	கட்சி	வாக்குகள்
1952	தகவல் இல்லை	தகவல் இல்லை	தகவல் இல்லை
1957	K. S. ராமசாமி	இந்திய பொதுவுடமைக் கட்சி	10576
1962	K. S. ராமசாமி	இந்திய பொதுவுடமைக் கட்சி	20160
1967	S. நல்லசாமி	இந்திய பொதுவுடமைக் கட்சி (மார்க்சியம்)	28677
1971	T. M. நல்லசாமி	ஸ்தாபன காங்கிரஸ்	35230
1977	S. நல்லசாமி	திமுக	22264
1980	S. நல்லசாமி	திமுக	46025
1984	K. V. ராமசாமி	திமுக	53160
1989	M. சின்னசாமி	அதிமுக(ஜெயலலிதா அணி)	49661
1991	வாசுகி முருகேசன்	திமுக	45259
1996	M. சின்னசாமி	அதிமுக	47294
2001	வாசுகி முருகேசன்	திமுக	58574
2006	வாசுகி முருகேசன்	திமுக	74830
2011	ஜோதிமணி	இந்திய தேசிய காங்கிரஸ்	55593

2006 தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	V.செந்தில் பாலாஜி	அ.தி.மு.க	80214
2	வாசுகி முருகேசன்	தி.மு.க	74830
3	A. ரவி	தே.மு.தி.க	9734
4	P.K. மோகன்	பி.ஜே.பி	1789
5	M. வெங்கடராமன்	சுயேச்சை	1396
6	A.S. ஜெகநாதன்	பிஎஸ்பி	763
7	முருகேசன் ராமா	சுயேச்சை	511
8	K. கனகராஜ்	எஸ்.பி	354
9	M. முருகேசன்	சுயேச்சை	349
10	K. பாஸ்காரன்	சுயேச்சை	248
11	K.P. பாலுசாமி	சுயேச்சை	120
12	R. செல்வராஜ்	சுயேச்சை	113
13	R. பாண்டியன்	சுயேச்சை	105
14	A.K. சக்திவேல்	சுயேச்சை	76
15	R. செந்தில்குமார்	சுயேச்சை	74

2011 - தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	V. செந்தில்பாலாஜி	அ.தி.மு.க	99738
2	S. ஜோதிமணி	காங்கிரஸ்	55593
3	S. சிவமணி	பி.ஜே.பி	2417
4	B. அசோக்குமார்	பிபிஐஸ்	681
5	P. ஆதிகிருஷ்ணன்	பிஎஸ்பி	620
6	M. லோகநாதன்	சுயேச்சை	610
7	P. செந்தில்குமார்	சுயேச்சை	522
8	T. வீரமணி	சுயேச்சை	480
9	T. வேணுகோபால்	சுயேச்சை	433
10	C. பிரேம்குமார்	சுயேச்சை	393
11	K.M. பெரியசாமி	ஐஜேகே	371
12	M. பச்சையப்பன்	சுயேச்சை	223
13	R. மணிவேல்	சுயேச்சை	156
14	B.வசந்தராஜ்	சுயேச்சை	138
15	S. செல்வராஜ்	சுயேச்சை	129
16	K.S. சண்முகம்	சுயேச்சை	129
17	M. ரத்தினம்	சுயேச்சை	125
18	J. விஜய்	சுயேச்சை	97
19	M. சீனிவாசன்	சுயேச்சை	95
20	N. சீனிவாசன்	சுயேச்சை	81
			163031