10-ம் வகுப்பு தேர்ச்சி பெற்றவர்களுக்கு வாய்ப்பு: பிளாஸ்டிக் தொழில்நுட்பம் குறித்த டிப்ளமோ படிப்பு நேரடி சேர்க்கை

சென்னை: பிளாஸ்டிக் தொழில்நுட்பம் தொடர் பான டிப்ளமோ படிப்புகளில் 10-ம்வகுப்பு முடித்த மாணவர்கள் நேரடியாக சேரலாம் என மத்திய அரசின் சிப்பெட் நிறுவனம் அறிவித்துள்ளது.

இது தொடர்பாக சென்னை கிண்டியில் உள்ள மத்திய பெட்ரோகெமிக்கல்ஸ் பொறியியல் தொழில்நுட்ப நிறுவனத்தின் (சிப்பெட்) தலைவர் சூ.இளங்கோவன் நேற்று வெளியிட்ட செய்திக்குறிப்பில் கூறியிருப்பதாவது: சிப்பெட் நிறுவனம், பிளாஸ்டிக் அச்சு தொழில்நுட்ப பட்டயப் படிப்பு மற்றும் பிளாஸ்டிக் தொழில்நுட்ப பட்டயப் படிப்புகளை வழங்குகிறது. இரண்டு ஆண்டு காலம்கொண்ட இந்தப் படிப்புகளுக்கான நேரடி சேர்க்கை நடைபெற உள்ளது. இதில், 10-ம்வகுப்பு தேர்ச்சி பெற்ற மாணவர்கள் நுழைவுத்தேர்வு ஏதுமின்றி சேரலாம்.

அதேபோல, பி.எஸ்சி. பட்டதாரிகள் பிளாஸ்டிக் செயல்முறை மற்றும் சோதனை பயிற்சி தொடர்பான 2 ஆண்டுகால முதுநிலை டிப்ளமோ படிப்பில் சேரலாம்.

12-ம் வகுப்பு முடித்து உயர்கல்வியைத் தொடர முடியாத மாணவர்கள், 3 ஆண்டுகால பட்டயப் படிப்பில் நேரடி சேர்க்கை மூலம் இரண்டாம் ஆண்டில் சேரலாம்.

மேற்கண்ட படிப்புகளுக்கான நேரடி சேர்க்கைக்கான கடைசி தேதி ஜூலை 31-ம் தேதியாகும். பயிற்சியை வெற்றிகரமாக முடிப்பவர்களுக்கு ரிலையன்ஸ், டிவிஎஸ்தொழிற்சாலைகள், சாம்சங், ஹூண்டாய், சுப்ரீம், பஜாஜ் உள்ளிட்ட முன்னணி நிறுவனங்களில் பணிபுரிய ஏற்பாடு செய்யப்படும். சேர்க்கை தொடர்பான கூடுதல் விவரங்களுக்கு 9360098600, 9600254350 என்ற செல்போன் எண்களில் தொடர்பு கொள்ளலாம். இவ்வாறு செய்திக்குறிப்பில் தெரிவிக்கப்பட்டுள்ளது.