சென்னை: சிறுபான்மையினர் மாணவ, மாணவிகள் கல்வி உதவித் தொகை பெறுவதற்காக இணையதளத்தில் விண்ணப்பிக்க செப்டம்பர் 9-ம் தேதி கடைசிநாள் என சிறுபான்மையினர் நல இயக்ககம் தெரிவித்துள்ளது.
இது தொடர்பாக சிறுபான்மையினர் நல இயக்ககம் வெளியிட்ட செய்திக்குறிப்பு: மத்திய, மாநில அரசு உதவி பெறும் மற்றும் அரசால் அங்கீகரிக்கப்பட்ட தனியார் கல்விநிலையங்களில் படிக்கும் சிறுபான்மை மாணவ, மாணவியர்களுக்கு பள்ளி படிப்பு (1-ம் வகுப்பு முதல்), பள்ளி மேற்படிப்பு, தகுதி மற்றும் வருவாய் அடிப்படையிலான கல்வி உதவித்தொகை வழங்கப்பட்டு வருகிறது.
நேரடியாக வங்கிக்கு
இந்த உதவித் தொகை மாணவர்களின் வங்கிக் கணக்கில் நேரடியாகசெலுத்தப்படுகிறது. இந்நிலையில், 2022-23-ம் கல்வி ஆண்டுக்கான பள்ளி மற்றும் பள்ளி மேற்படிப்பு கல்வி உதவித் தொகை பெற விருப்பமுள்ள மாணவ, மாணவிகள் www.scholarships.gov.in என்ற இணையதளத்தில் செப்டம்பர் மாதம் 9-ம் தேதிக்குள் விண்ணப்பிக்கலாம்.
அதேபோல், தகுதி மற்றும் வருவாய் அடிப்படையிலான கல்வி உதவித்தொகை பெற அக்டோபர் மாதம் 31-ம் தேதிக்குள் மாணவ, மாணவிகள் விண்ணப்பிக்க வேண்டும்.
இது தொடர்பாக மாவட்ட ஆட்சியர் அலுவலகத்தில் உள்ளமாவட்ட ஒருங்கிணைப்பு அலுவலரையும், சிறுபான்மையினர் நல இயக்ககத்தில் உள்ள மாநில ஒருங்கிணைப்பு அலுவலரையும் தொடர்பு கொண்டு மேலும் விவரங்களை தெரிந்து கொள்ளலாம்.
இவ்வாறு அந்த செய்திக்குறிப்பில் தெரிவிக்கப்பட்டுள்ளது.