10, பிளஸ் 1 வகுப்புகளுக்கான துணை தேர்வுக்கு மே 22 முதல் விண்ணப்பிக்கலாம்

சென்னை: ஜூலை மாதம் நடைபெற உள்ள 10, 11-ம் வகுப்பு துணை தேர்வுக்கு மே 22 முதல் ஜூன் 4-ம் தேதி வரை விண்ணப்பிக்கலாம் என அரசு தேர்வு துறை அறிவித்துள்ளது.

இதுதொடர்பாக அரசு தேர்வுகள் இயக்குநர் ந.லதா நேற்று வெளியிட்ட செய்திக்குறிப்பில் கூறியுள்ளதாவது: கடந்த மார்ச் - ஏப்ரலில் நடந்த 10, 11-ம் வகுப்பு (பிளஸ் 1) பொதுத் தேர்வுகளில் தேர்ச்சி பெறாத, தேர்வுக்கு வராத மாணவர்கள் மற்றும் தகுதியுள்ள தனி தேர்வர்களிடம் இருந்து துணை தேர்வுக்கு ஆன்லைனில் விண்ணப்பங்கள் வரவேற்கப்படுகின்றன. துணை தேர்வு ஜூலை மாதம் நடைபெறும்.

பள்ளி மாணவர்கள் தாங்கள் படித்த பள்ளியில் மே 22 முதல் ஜூன் 4-ம் தேதி வரை தினமும் காலை 11 மணி முதல் மாலை 5 மணி வரை விண்ணப்பிக்கலாம். தனி தேர்வர்கள் அரசு தேர்வு துறையின் சேவை மையங்கள் மூலம் விண்ணப்பிக்க வேண்டும். கல்வி மாவட்டங்கள் வாரியாக அமைக்கப்பட்டுள்ள சேவை மையங்களின் விவரங்களை தேர்வு துறை இணையதளத்தில் (www.dge.tn.gov.in) அறிந்துகொள்ளலாம்.

சிறப்பு அனுமதி திட்டம்: கடைசி நாளான ஜூன் 4-ம் தேதிக்குள் விண்ணப்பிக்காவிட்டால், சிறப்பு அனுமதி திட்டத்தில் உரிய கட்டணத்துடன் ஜூன் 5, 6-ம் தேதிகளில் விண்ணப்பிக்க வேண்டும். சிறப்பு அனுமதி கட்டணம் 10-ம் வகுப்புக்கு ரூ.500 மற்றும் 11-ம் வகுப்புக்கு ரூ.1,000 ஆகும். 2024-25-ம் கல்வி ஆண்டில் அரசு மற்றும் அரசு உதவிபெறும் பள்ளிகளில் படித்து தேர்ச்சி பெறாத, தேர்வுக்கு வராத மாணவர்களுக்கு இந்த கட்டணம் கிடையாது.

10-ம் வகுப்பு துணை தேர்வுக்கு விண்ணப்பிக்க உள்ள நேரடி தனி தேர்வர்கள் (முதல்முறையாக அனைத்து பாடங்களையும் எழுதுவோர்), ஏற்கெனவே 2012-க்கு முன்பு பழைய பாடத்திட்டத்தில் தேர்வு எழுதி அறிவியல் பாடத்தில் தோல்வி அடைந்தவர்கள், கடந்த மார்ச் - ஏப்ரலில் நடந்த அறிவியல் செய்முறை தேர்வில் தேர்ச்சி பெறாதவர்கள், தேர்வுக்கு வராதவர்கள் அறிவியல் செய்முறை பயிற்சி வகுப்பில் சேர, சம்பந்தப்பட்ட மாவட்ட கல்வி அதிகாரி அலுவலகத்தில் மே 23 முதல் 30-ம் தேதிக்குள் ரூ.125 செலுத்தி பெயரை பதிவு செய்து ஒப்புகை சீட்டு பெற வேண்டும். இதை சேவை மையத்தில் காண்பித்தால் மட்டுமே கருத்தியல் (தியரி) தேர்வுக்கு பதிவுசெய்ய முடியும்.

தேர்வுக்கூட நுழைவு சீட்டு: செய்முறை தேர்வில் மட்டும் பங்கேற்க உள்ள தனி தேர்வர்களும் தவறாமல் சேவை மையத்துக்கு சென்று, கருத்தியல் தேர்வுக்கும் விண்ணப்பித்து ஒப்புகை சீட்டு பெற வேண்டும். அதில் உள்ள விண்ணப்ப எண்ணை பயன்படுத்தி தேர்வுக்கூட நுழைவு சீட்டை (ஹால் டிக்கெட்) பின்னர் பதிவிறக்கம் செய்துகொள்ள வேண்டும்.

நுழைவு சீட்டு இருந்தால் மட்டுமே செய்முறை தேர்வுக்கு அனுமதிக்கப்படுவார்கள். 10, 11-ம் வகுப்பு துணை தேர்வு கால அட்டவணையை அரசு தேர்வு துறையின் இணையதளத்தில் தெரிந்துகொள்ளலாம். இவ்வாறு அதில் கூறப்பட்டுள்ளது.

தற்காலிக மதிப்பெண் சான்றிதழ்: இதனிடையே தமிழகம் முழு​வதும் 10, பிளஸ் 1 வகுப்பு மாணவர்​களுக்கு தற்​காலிக மதிப்​பெண் சான்​றிதழ் நேற்று வழங்​கப்​பட்​டது. தேர்ச்சி பெற்​றவர்​கள் மேற்​படிப்​புக்கு விண்​ணப்​பிக்க வசதி​யாக, அந்​தந்த பள்​ளி​களில் மே 19-ம் தேதி பிற்​பகல் 2.30 மணிக்கு தற்​காலிக மதிப்​பெண் சான்​றிதழ் வழங்​கப்​படும் என அரசு தேர்வுத் துறை அறி​வித்​தது.

அதன்​படி, தமிழகம் முழு​வதும் பள்​ளி​களில் மாணவ, மாணவி​களுக்கு தற்​காலிக மதிப்​பெண் சான்​றிதழ் நேற்று மாலை வழங்​கப்​பட்​டது. அரசு தேர்வு துறை​யின் இணை​யதளத்​தில் மதிப்​பெண் சான்​றிதழை பதி​விறக்​கம் செய்த தலைமை ஆசிரியர்​கள், அதில் கையெழுத்​திட்டு பள்ளி முத்​திரை​யுடன் மாணவர்​களுக்​கு வழங்​கினர்​.