விருதுநகர்: விருதுநகர் அல்லம்பட்டி எஸ்.வி.பி.என்.எஸ். காலனியைச் சேர்ந்தவர் ஜோதிராணி (69). இவரது இளைய மகன் கார்த்திகேயன், உறவினர் இல்லத் திருமண விழாவுக்காக நேற்று காலை விருதுநகர் வந்தார்.
அப்போது வீட்டுக்குள் அவரது தாய் ஜோதிராணி மர்மமான முறையில் வாயில் ரத்தம் வழிந்த நிலையில் இறந்து கிடந்தார். அவர் கழுத்தில் அணிந்திருந்த 7 பவுன் தங்கச் சங்கிலியும் காதில் அணிந்திருந்த ஒரு பவுன் தோடும் கொள்ளை அடிக்கப்பட்டிருந்தது. விருதுநகர் கிழக்கு போலீஸார் வழக்கு பதிந்து விசாரிக்கின்றனர்.
