விழுப்புரம்: திண்டிவனத்தில் தனியார் நிறுவனம் நடத்தி ரூ.85 கோடி மோசடி செய்த வழக்கில் மேலும் 4 பேர் கைது செய்யப்பட்டனர். திண்டிவனத்தில் தனியார் மார்க்கெட்டிங் நிறுவனம் ஒன்று இயங்கி வந்தது.
இந்நிறுவனத்தை திண்டிவனம் விநாயகபுரம் பகுதியை சேர்ந்த மாயகிருஷ்ணன் (45) என்பவர் நடத்தி வந்தார். இந்நிறுவனத்தில் ரூ.50 ஆயிரம் செலுத்தினால் 10 மாதம் கழித்து ரூ.90 ஆயிரமும், ரூ.1 லட்சம் செலுத்தினால் 10 மாதங்கள் கழித்து ரூ.1 லட்சத்து 80 ஆயிரமும், ரூ.2 லட்சம் செலுத்தினால் ரூ.3 லட்சத்து 60 ஆயிரமும் வழங்கப்படும் என்று அறிவிக்கபட்டது.
இதனை நம்பிய திருவண்ணாமலை மாவட்டம், வந்தவாசி அருகே வேளாந்தாங்கல் கிரா மத்தை சேர்ந்த மண்ணுலிங்கம் (51) உள்ளிட்ட அவருக்கு தெரிந்த8 பேர் சேர்ந்து கடந்த 2022-ம் ஆண்டு ஏப்ரல் மாதத்தில் மொத்தம் ரூ.55 லட்சத்தை செலுத்தியுள்ளனர். முதிர்வுக்காலம் முடிந்தபின்பும் அவர்களுக்கு சேர வேண்டிய பணத்தை திருப்பித்தராமல் அந்நிறுவனத்தினர் ஏமாற்றிவிட்டனர்.
இதுகுறித்த புகாரின் பேரில் தனியார் நிர்வாக இயக்குர்கள் மாயகிருஷ்ணன், மஞ்சுளா, மாயகிருஷ்ணன் மனைவி பிரபாவதி மற்றும் திண்டிவனம் பகுதியை சேர்ந்த கவுதம், மதிவாணன், முருகன், வீரமணி, செந்தில்குமார் ஆகிய 8 பேர் மீது விழுப்புரம் மாவட்ட குற்றப்பிரிவு போலீஸார் வழக்குப்பதிவு செய்தனர். விசாரணையில், 7 ஆயிரம் பேரிடம் இருந்து அவர்கள் மொத்தம் ரூ.85 கோடி வரை பெற்று திருப்பித்தராமல் மோசடி செய்திருப்பது தெரியவந்தது.
இந்த மோசடி தொடர்பாக வீரமணி (46), செந்தில்குமார் (45) ஆகியோரை கடந்த சில நாட்களுக்கு முன் மாவட்ட குற்றப்பிரிவு போலீஸார் கைது செய்தனர். இந்த வழக்கில் மாயகிருஷ்ணனின் அண்ணன் அன்பு என்பவருக்கும் தொடர்பு இருப்பது தெரியவந்தது. இதை யடுத்து அவர் மீதும் போலீஸார் வழக்குப்பதிவு செய்தனர்.
இந்த நிலையில் நேற்று முன் தினம் நள்ளிரவு திண்டி வனத்தை சேர்ந்த மாயகிருஷ்ணன், அவரதுமனைவி பிரபாவதி (38) மற்றும்அன்பு (50), மஞ்சுளா ஆகிய 4 பேரை போலீஸார் கைது செய்தனர். இதுவரை இவ்வழக்கில் 6 பேர் கைது செய்யப்பட்டுள்ளனர். ரூ.50 ஆயிரம் செலுத்தினால் ரூ.90 ஆயிரம் தருவதாக கூறினர்.