கல்வராயன்மலை அடிவாரத்தில் கஞ்சா செடிகள் வளர்த்தவர் கைது

கள்ளக்குறிச்சி: கல்வராயன் மலைப் பகுதியில் சட்டவிரோதமாக பயிரிடப்பட்ட சுமார் 6 கிலோ கஞ்சா செடிகளை அழித்த மதுவிலக்குப் போலீஸார், அது தொடர்பாக ஒருவரை கைது செய்துள்ளனர்.

கல்வராயன்மலைப் பகுதியில் நேற்று முன்தினம் மதுவிலக்கு அமலாக்க பிரிவு துணை காவல்கண்காணிப்பாளர் ரவிச்சந்திரன்தலைமையில், தனிப்படைபோலீஸார் சோதனையில் ஈடுப்பட்டபோது, பெரிய பலாபூண்டி கிராம பகுதியில் பயிரிடப்பட்டிருந்த சுமார் 6 கிலோ கஞ்சா செடிகள் அழிக்கப்பட்டன.

மேலும் அதே பகுதியில்கஞ்சா விற்பனையில் ஈடுபட்டுக் கொண்டிருந்த பாலகிருஷ்ணன் (34) என்பவரை கைது செய்து, அவரிடம் இருந்து சுமார் 2 கிலோ பறிமுதல் செய்துநீதிமன்ற காவலுக்கு அனுப்பினர். கள்ளக்குறிச்சி மாவட்டத்தில் சட்டவிரோதமாக கஞ்சா கடத்தி சென்றாலோ, பயிர் செய்தாலோ,விற்பனையில் ஈடுபட்டாலோ அவர்கள் மீது சட்டரீதியாக கடும் நடவடிக்கை எடுக்கப்படும் என மாவட்ட கண்காணிப்பாளர் பகலவன் எச்சரிக்கை விடுத்துள்ளார்.