Published : 02 Jan 2020 12:43 pm

Updated : 02 Jan 2020 12:43 pm

 

Published : 02 Jan 2020 12:43 PM
Last Updated : 02 Jan 2020 12:43 PM

நெல்லை கண்ணனை கைது செய்யக்கோரி போராட்டம்: எச்.ராஜா உள்ளிட்ட பாஜகவினர் 311 பேர் மீது போலீஸ் வழக்குப் பதிவு

protest-to-arrest-nellai-kannan-police-file-case-against-311-bjp-members-including-h-raja

பிரதமர், உள்துறை அமைச்சர் குறித்து சர்ச்சையாகப் பேசிய நெல்லை கண்ணனைக் கைது செய்யவேண்டும் என கடற்கரை காமராஜர் சாலையில் நேற்று போராட்டம் நடத்திய எச்.ராஜா, இல.கணேசன் உள்ளிட்ட பாஜகவினர் 311 பேர் மீது 3 பிரிவுகளின்கீழ் போலீஸார் வழக்குப் பதிவு செய்துள்ளனர்.

குடியுரிமைச் சட்டத்துக்கு எதிராக எஸ்டிபிஐ கட்சியினர் நடத்திய பொதுக்கூட்டத்தில் பிரதமர், உள்துறை அமைச்சர் பாதுகாப்பு குறித்து பேச்சாளர் நெல்லை கண்ணன் சர்ச்சையாகப் பேசியது பாஜக மற்றும் இந்து அமைப்பினர் இடையே எதிர்ப்பலையை ஏற்படுத்தியது. அவர் வீட்டுமுன் காலையில் பாஜகவினர் போராட்டம் நடத்தினர்.

அதற்கு முன் பாஜகவினர் அளித்த புகாரின் பேரில் போலீஸார், நெல்லை கண்ணன் மீது 3 பிரிவுகளின் கீழ் வழக்குப் பதிவு செய்தனர். அவர் கைது செய்யப்படலாம் என்கிற நிலையில் மருத்துவமனையில் உடல் நலக்குறைவு காரணமாக அனுமதிக்கப்பட்ட நெல்லை கண்ணன் பின்னர் பெரம்பலூரில் தனியார் விடுதியில் வைத்து நேற்று கைது செய்யப்பட்டார்.

நெல்லை கண்ணனைக் கைது செய்யாவிட்டால் இல.கணேசன், பொன்.ராதாகிருஷ்ணன், சி.பி.ராதாகிருஷ்ணன் ஆகியோருடன் இணைந்து ஜன.01 மாலை கடற்கரையில் தர்ணா போராட்டம் நடத்த உள்ளோம் என பாஜக தேசியச் செயலாளர் எச்.ராஜா டிச.31 அன்று ட்விட்டரில் பதிவு செய்திருந்தார்.

ஆனால், மதியம் வரை கைது செய்யப்படாததால் நேற்று மாலை எச்.ராஜா, பொன் ராதாகிருஷ்ணன், கே.பி.ராதாகிருஷ்ணன், இல.கணேசன் உள்ளிட்ட 300 க்கும் மேற்பட்டோர் கடற்கரையில் தர்ணா போராட்டம் நடத்தச் சென்றனர்.

அவர்களை போலீஸார் தடுத்ததால் சாலையில் அமர்ந்து போராட்டம் நடத்தினர். பின்னர் போலீஸார் அவர்களைக் கைது செய்தனர். இதேபோன்று ராயப்பேட்டை மணிக்கூண்டு அருகே வானதி சீனிவாசன் சில தொண்டர்களுடன் சாலையில் அமர்ந்து போராட்டம் நடத்தினார். அவர்களையும் போலீஸார் கைது செய்து மாலையில் விடுவித்தனர்.

இந்நிலையில் போராட்டம் நடத்திய எச்.ராஜா, இல.கணேசன், பொன்.ராதாகிருஷ்ணன், கே.பி.ராதாகிருஷ்ணன், வானதி சீனிவாசன் உள்ளிட்ட பாஜகவினர் 311 பேர் மீது சென்னை போலீஸார் ஐபிசி பிரிவு 143 (அனுமதியின்றி கூடுதல்) 145 (போலீஸார் கலைந்து செல்ல உத்தரவிட்டும் கூடியிருத்தல்) 341 (முறையற்ற முறையில் தடுத்தல்) ஆகிய பிரிவுகளின் கீழ் போலீஸார் வழக்குப் பதிவு செய்தனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ProtestArrest nellai kannanPolice file case311 BJP membersH. Rajaநெல்லை கண்ணன்கைது செய்யக்கோரி போராட்டம்எச்.ராஜா311 பாஜவினர்போலீஸ்வழக்குப்பதிவு

Sign up to receive our newsletter in your inbox every day!

You May Like

More From This Category

More From this Author