செம்பனார்கோவில் அருகே காரில் சென்ற காரைக்கால் தவாக நிர்வாகி வழிமறித்து படுகொலை

மயிலாடுதுறை: செம்​ப​னார்​கோ​வில் அருகே தமிழக வாழ்​வுரிமைக் கட்சி நிர்​வாகி நேற்று காரில் சென்​ற​போது வழிமறித்​துக் கொலை செய்​யப்​பட்​டார். பாமக நிர்​வாகி கொலை​யில் தொடர்​புடைய இவர், பழிக்​குப்​பழி வாங்​கும் வகை​யில் கொலை செய்​யப்​பட்​டாரா என்று போலீ​ஸார் விசா​ரித்து வரு​கின்​றனர்.

காரைக்​கால் திருநள்​ளாறைச் சேர்ந்​தவர் மணி​மாறன்​(32). தமிழக வாழ்​வுரிமை கட்​சி​யின் மாவட்​டப் பொறுப்​பாள​ரான இவர், மயி​லாடு​துறை​யில் நேற்று நடை​பெற்ற கட்​சிக் கூட்​டத்​தில் பங்​கேற்​றார். பின்​னர், பிற்​பகலில் காரில் காரைக்​கால் நோக்​கிச் சென்று கொண்​டிருந்​தார். செம்​ப​னார்​கோ​வில் காலஹஸ்​தி​னாத​புரம் பகு​தி​யில் உள்ள பள்ளி அருகே சென்​ற​போது,பின்​னால் 2 கார்​களில் வந்த சிலர், அவரது காரை வழிமறித்து நிறுத்​தி​யுள்​ளனர்.

பின்​னர் கார் கண்​ணாடியை உடைத்து மணி​மாறனை வெளி​யில் இழுத்​து​போட்​டு, அரி​வாள் உள்​ளிட்ட ஆயுதங்​களால் அவரை சரமாரி​யாக வெட்​டிக் கொன்​று​விட்​டு, அவர்​கள் வந்த கார்​களில் ஏறி தப்​பிச் சென்​று​விட்​டனர். தகவலறிந்து வந்த செம்​ப​னார்​கோ​வில் போலீ​ஸார் மணி​மாறனின் உடலை மீட்​டு, பிரேதப்பரிசோதனைக்​காக மயி​லாடு​துறை அரசு மருத்​து​வ​மனைக்கு அனுப்பி வைத்​தனர். தொடர்ந்​து, மயி​லாடு​துறை எஸ்​.பி. ஸ்டா​லின் சம்பவ இடத்​தில் விசா​ரணை மேற்​கொண்​டார். குற்​ற​வாளி​களைப் பிடிக்க 5 தனிப்​படைகள் அமைக்​கப்​பட்​டுள்​ள​தாக​வும், விரை​வில் குற்​ற​வாளி​கள் சிக்​கு​வார்​கள் என்​றும் அவர் தெரி​வித்​தார்.

2021 அக். 22-ம் தேதி காரைக்​கால் மாவட்ட பாமக செய​லா​ள​ராக இருந்த தேவ​மணி என்​பவர் வெட்​டிக் கொலை செய்​யப்​பட்ட வழக்​கில் மணி​மாறன் முக்​கியக் குற்​ற​வாளி​யாக இருந்​தார். தற்​போது அவர் ஜாமீனில் வந்​திருந்​தார். எனவே, அந்​தக் கொலைக்கு பழிக்​குப் பழி வாங்​கும் வகை​யில் இக்​கொலை நடந்​ததா அல்​லது வேறு காரணம் உள்​ளதா என்​பது குறித்து போலீ​ஸார் விசா​ரணை மேற்​கொண்டு வரு​கின்​றனர்.