Published : 23 Apr 2022 06:02 AM
Last Updated : 23 Apr 2022 06:02 AM

எதிர்ப்பு சக்தி மண்டலத்திலிருந்து தப்பிக்கும் ஒமைக்ரான் திரிபுகள் - விஞ்ஞானிகள் கண்டுபிடிப்பு

ஹூஸ்டன்: தற்போது ஆதிக்கம் செலுத்தும் இரண்டு ஒமைக்ரான் வகைகளில், இதற்கு முன் இல்லாத வகையில் ஸ்பைக் புரோட்டீன் மாறுபாடுகள் உள்ளன. பிஏ.1 வகையில் 33 மாறுபாடுகளும், பிஏ.2 வகையில் 29 மாறுபாடுகளும் உள்ளன. இந்த மாறுபாடுகள் தொற்று பரவலை அதிகரிக்கின்றன மற்றும் எதிர்ப்பு சக்தி மண்டலத்திலிருந்து தப்பிக்கும் திறனை அதிகரிக்கின்றன என விஞ்ஞானிகள் கூறுகின்றனர்.

பிஏ.1 மற்றும் பிஏ.2 வகை ஒமைக்ரான் திரிபுகள் எதிர் உயிரிகளில் இருந்து தப்பித்து, அதிகம் பரவக் கூடியதாக மாறும் வழிகளை கண்டறிந்தது, தடுப்பூசிகளை மேம்படுத்த உதவும் என நோயியல் துறை மற்றும் மரபணு மருந்து துறை விஞ்ஞானி ஜிம்மி டி கோலிகர் கூறியுள்ளார்.

முந்தையை கரோனா வகைகளில் உள்ள திரிபுகளின் செயல்பாடுகளும், ஒமைக்ரான் வகை திரிபுகளின் செயல்பாடுகளும் முற்றிலும் மாறுபட்டுள்ளது. நிலையானதாக இருப்பதுபோல் தோன்றுகிற வைரஸ்களும், எதிர்ப்பு சக்தி மண்டலத்திலிருந்து தப்பிக்க அதிக திரிபுகளுக்கு அனுமதிக்கின்றன என்பது கண்டுபிடிக்கப்பட்டுள்ளது.

ஸ்பைக் புரோட்டீன் மாற்றங்களுக்கு இந்த வைரஸை தொடர்ந்து கண்காணிப்போம். பரிசோதனைகளுக்கு புதிய புரோட்டீன் எதிர்பொருட்களை சேர்ப்போம். இந்த பணியை தொடர்ந்து மேற்கொள்வது புதிய எதிர் பொருட்களை கண்டுபிடிக்கவும், மாறுபட்ட கரோனா வகைகளுக்கு சிகிச்சை அளிக்கவும் உதவும் என கோலிகர் கூறியுள்ளார்.

Sign up to receive our newsletter in your inbox every day!

 
x