Published : 21 Mar 2020 14:30 pm

Updated : 21 Mar 2020 14:30 pm

 

Published : 21 Mar 2020 02:30 PM
Last Updated : 21 Mar 2020 02:30 PM

ஊரடங்கு: தமிழகத்தில் நாளை டாஸ்மாக் கடைகள் மூடல்; அமைச்சர் தங்கமணி அறிவிப்பு

tasmacs-will-be-closed-tomorrow
பிரதிநிதித்துவப் படம்

சென்னை

பிரதமர் மோடியின் சுய ஊரடங்கு உத்தரவை ஏற்று நாளை தமிழகத்தில் டாஸ்மாக் கடைகள் மூடப்படும் என, தமிழக மின்சாரம் மற்றும் மதுவிலக்கு, ஆயத்தீர்வை துறை அமைச்சர் தங்கமணி அறிவித்துள்ளார்.

கரோனா தடுப்பு நடவடிக்கையாக, நாளை (மார்ச் 22), ஞாயிற்றுக்கிழமை மக்கள் தாங்களாகவே முன்வந்து ஊரடங்கை கடைப்பிடிக்க வேண்டும் என, பிரதமர் மோடி வேண்டுகோள் விடுத்துள்ளார். அதன்படி, காலை 7 மணி முதல் இரவு 9 மணி வரை மக்கள் தங்கள் வீடுகளுக்குள் இருக்க வேண்டும் என அறிவுறுத்தப்பட்டுள்ளது.

அதனை கடைப்பிடிக்கும் வகையில் தமிழகத்தில் பல்வேறு நடவடிக்கைகள் எடுக்கப்பட்டுள்ளன. கேரளா, கர்நாடகா, ஆந்திரா ஆகிய மாநிலங்களின் தமிழக எல்லைகள் மூடப்பட்டுள்ளன. மேலும், அவசியமான தேவைகள் தவிர்த்து அரசு, தனியார் பேருந்துகள் நாளை இயங்காது என, முதல்வர் எடப்பாடி பழனிசாமி அறிவித்துள்ளார்.

சென்னையில், அம்மா உணவகங்கள், மாநகராட்சி மருத்துவமனைகள் தொடர்ந்து இயங்கும் என, சென்னை மாநகராட்சி ஆணையர் பிரகாஷ் அறிவித்துள்ளார்.

இந்நிலையில், பிரதமர் மோடியின் மக்கள் ஊரடங்கு வேண்டுகோளுக்கு ஏற்ப நாளை தமிழகத்தில் டாஸ்மாக் கடைகள் இயங்காது என, மதுவிலக்கு மற்றும் ஆயத்தீர்வை துறை அமைச்சர் தங்கமணி அறிவித்துள்ளார்.

ஏற்கெனவே, தமிழகத்தில் மதுபான பார்கள், கேளிக்கை விடுதிகள் உள்ளிட்டவை மூடப்பட்டுள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

கரோனா வைரஸ்டாஸ்மாக் கடைகள்அமைச்சர் தங்கமணிபிரதமர் நரேந்திர மோடிCorona virusTASMAC shopsMinister thangamaniPM narendra modiமக்கள் ஊரடங்குJanata curfewONE MINUTE NEWSPUBLIC INTEREST

Sign up to receive our newsletter in your inbox every day!

You May Like

More From This Category

More From this Author