உங்கள் அரசு, தமிழ்நாட்டை அடுத்த கட்டத்திற்கு எடுத்துச் செல்லும் என்று ஆவலுடன் எதிர்பார்க்கிறேன் என்று தமிழக முதல்வர் விஜய்க்கு ஆர்.ஜே.பாலாஜி வாழ்த்து தெரிவித்துள்ளார்.
தமிழக முதல்வராக பதவியேற்றுள்ளார் விஜய். இந்த பதவியேற்பு விழாவில் காங்கிரஸ் கட்சியைச் சேர்ந்த ராகுல் காந்தி சிறப்பு விருந்தினராக கலந்து கொண்டார். மேலும் தவெக கட்சியினர், விஜய் குடும்பத்தினர், த்ரிஷா உள்ளிட்ட பலர் கலந்து கொண்டனர்.
தமிழக முதல்வராக அதிகாரபூர்வமாக விஜய் பதவியேற்று உள்ளதால், அவருக்கு வாழ்த்துகள் குவிந்து வருகிறது. இது தொடர்பாக இயக்குநர் ஆர்.ஜே.பாலாஜி தனது எக்ஸ் தள பதிவில்,”தமிழக முதல்வர் C.ஜோசப் விஜய்!!! இது நம்பவே முடியாத ஒரு உணர்வாக இருக்கிறது..!!! உங்களுக்கும், உங்கள் அமைச்சரவை சகாக்களுக்கும் எனது மனமார்ந்த வாழ்த்துகள்…!!!
உங்களையும், உங்கள் நோக்கங்களையும் நன்கு அறிந்தவன் என்ற முறையில், அனைவரையும் உள்ளடக்கிய மற்றும் முற்போக்கான உங்கள் அரசு, நமது பெருமைமிகு மாநிலத்தை அடுத்த கட்டத்துக்கு எடுத்துச் செல்லும் என்று ஆவலுடன் எதிர்பார்க்கிறேன். உங்களுக்கு சிறப்பான அனைத்தும் அமைய வாழ்த்துகிறேன். நம் அனைவரையும் இறைவன் ஆசீர்வதிக்கட்டும்” என்று தெரிவித்துள்ளார் ஆர்.ஜே.பாலாஜி.
