சாக்ஷி அகர்வால், டேனியல் ஆனி போப், வையாபுரி, சாம்ஸ், வசந்தி, ஜேஸ்பர் உள்பட பலர் நடித்துள்ள திரைப்படம், ‘தீயோர் கூடம்’. சக்திவேல் எழுதி, இயக்கியுள்ள இப்படத்துக்கு வசந்த் இசைப்பேட்டை இசையமைத்துள்ளார். பிரசாத் ஒளிப்பதிவு செய்துள்ளார்.
ரூல் பிரேக்கர்ஸ் புரொடக் ஷன் மற்றும் தியா சினி கிரியேஷன்ஸ் சார்பில் ஜெகன் நாராயணன், சக்திவேல், வீரமணி மற்றும் கண்ணன் இணைந்து தயாரித்துள்ளனர். க்ரைம் த்ரில்லர் ஜானரில் உருவாகி இருக்கும் இந்தப் படம் ஒரே நாளில் நடக்கும் வகையில் உருவாக்கப்பட்டுள்ளது. ஒரு வீட்டில் கொலை நடக்கிறது.
அதில் சிக்கும் மூன்று பேர் சந்திக்கும் பிரச்சினைகள் மற்றும் அதிலிருந்து அவர்கள் எப்படி மீண்டு வருகிறார்கள் என்பது கதை. இதன் படப்பிடிப்பு நிறைவு பெற்றது. போஸ்ட் புரொடக் ஷன் வேலைகள் நடைபெற்று வருகின்றன. இந்நிலையில் இப்படத்தின் தலைப்பு மற்றும் ஃபர்ஸ்ட் லுக் போஸ்டரை இசை அமைப்பாளர் தேவா வெளியிட்டுள்ளார்.
