சோனியா அகர்வால், கே.பாக்யராஜ், லிவிங்ஸ்டன், ஜோவிட்டா, அயலி மதன், அமுதவாணன், ஆதர்ஷ் ஆகியோர் நடிக்கும் படம், ‘டார்க் ஜெயின்ட்’. இதில் ஹாலிவுட் நடிகர் ரபிக் பாட்சா முக்கிய கதாபாத்திரத்தில் நடிக்கிறார்.
கே.எஸ்.கிஷன் இயக்கும் இப்படத்துக்கு விக்னேஷ் ராஜா இசையமைக்கிறார். சங்கீத் மணிகோபால் ஒளிப்பதிவு செய்கிறார். ஓய்வு பெற்ற ராணுவ வீரர், லோகேஸ்வரன், பயோவன் கிரியேஷனிசம் சார்பில் தயாரிக்கிறார்.
ஹாரர் த்ரில்லர் படமாக உருவாகும் இதன் முதல்கட்ட படப்பிடிப்பு கோபிசெட்டிபாளையத்திலும், சென்னையிலும் முடிவடைந்துள்ளது. 2-ம் கட்ட படப்பிடிப்பு பிப். 2-வது வாரத்தில் தொடங்க உள்ளது. இப்படத்தின் டைட்டில் வெளியீடு சென்னையில் நடைபெற்றது. ஏப்ரலில் படத்தை வெளியிடத் திட்டமிட்டுள்ளனர்.
