விஜய் சேதுபதி, லிஜோமோல் ஜோஸ் நடித்துள்ள திரைப்படம், ‘பத்தா’. மேலும் ஹரிகிருஷ்ணன், சாந்தி பாலச்சந்திரன், அர்ஜுன் சிதம்பரம், அஜய் கோஷ், தீபா வெங்கட் உள்ளிட்ட பலர் முக்கிய கதாபாத்திரங்களில் நடித்துள்ளனர்.
இதை ‘நடுவுல கொஞ்சம் பக்கத்த காணோம்’, ‘சீதக்காதி’ படங்களை இயக்கிய பாலாஜி தரணிதரன் இயக்கியுள்ளார். சாய் அபயங்கர் இசையமைத்துள்ள இப்படம் அக். 1-ல் வெளியாகிறது.
இதன் டிரெய்லர் வெளியாகியுள்ளது. ஆக் ஷன், காமெடி, குடும்ப உணர்வு மற்றும் மர்மம் என பல்வேறு அம்சங்களை ஒன்றிணைத்து வெளியாகியுள்ள இந்த டிரெய்லர் வரவேற்பைப் பெற்றுவருகிறது. “1980-களின் பின்னணியில் உருவாகியுள்ள இப்படத்தில், அந்தக் கால கட்டத்தை உணர்த்தும் வகையில் கதாபாத்திரங்களின் தோற்றம், உடைகள், காட்சியமைப்பு மற்றும் சூழல் என அனைத்தும் அமைக்கப்பட்டுள்ளன.
பத்தா யார்? அவரது பல்வேறு முகங்களுக்குப் பின்னால் இருக்கும் விஷயம் என்ன? ரவுடி பத்தா எப்படி குடும்பஸ்தனாக மாறுகிறார்? அவர் ஏன் சிறையில் இருக்கிறார்? ” என்பதுதான் கதை என படக்குழு தெரிவித்துள்ளது.
