நடிகர் அஜித்குமார் ‘குட் பேட் அக்லி ‘படத்துக்குப் பிறகு கார் பந்தயத்தில் கவனம் செலுத்தி வருகிறார். இதற்கிடையே அவர், ஆதிக் ரவிச்சந்திரன் இயக்கத்தில் மீண்டும் நடிக்க இருப்பதாகச் செய்திகள் வெளியாயின. அதை சில மாதங்களுக்கு முன் படக்குழுவினர் உறுதி செய்தனர். படத்தின் தலைப்பு ‘டேர் டெவில்’ என்று அறிவிக்கப்பட்டது.
இந்நிலையில் இப்படத்தின் தொடக்கவிழா சென்னையில் நடைபெற்றது. படத்தை பிரேவ்ஹார்ட்ஸ் புரொடக் ஷன்ஸ் சார்பில் தயாரிக்கும் ஷாலினி அஜித்குமார், கிளாப் அடித்து முதல் காட்சியை தொடங்கி வைத்தார். இப்படத்தின் நாயகியாக நடிக்கும் ஸ்ரீலீலா, இசை அமைப்பாளர் அனிருத், நடிகர்கள் ரா.பார்த்திபன், உன்னி முகுந்தன், பிரபு, ரெடின் கிங்ஸ்லி, சுனில் உள்பட பலர் கலந்துகொண்டனர். அஜித் குமார் நவ.12-ம் தேதி படப்பிடிப்பில் கலந்துகொள்கிறார். இதன் படப்பிடிப்பு ஹைதராபாத், மலேசியா, பாங்காங்கில் நடைபெற இருக்கிறது.
