நடிகை ஷிவானி ராஜசேகர்
மறைந்த நடிகரும் தேமுதிக தலைவருமான விஜயகாந்தின் மகன் சண்முக பாண்டியன் நடிக்கும் படம், ‘வாணவேடிக்கை’. இதை திரு இயக்குகிறார்.
இவர், விஷாலின் தீராத விளையாட்டுப் பிள்ளை, சமர், நான் சிகப்பு மனிதன் உள்ளிட்ட படங்களை இயக்கியவர். கேப்டன் சினி கிரியேஷன்ஸ் சார்பில் எல்கே சுதீஷ் எம்.பி தயாரிக்கும் இப்படத்துக்கு அர்வி ஒளிப்பதிவு செய்கிறார். சாம் சி.எஸ் இசையமைக்கிறார்.
இப்படத்தில் நாயகியாக ஷிவானி ராஜசேகர் நடிக்கிறார். இதைப் படக்குழு அறிவித்துள்ளது. நடிகர் டாக்டர் ராஜசேகர், நடிகை ஜீவிதா தம்பதியரின் மகளான ஷிவானி, அன்பறிவு, நெஞ்சுக்கு நீதி படங்களில் நடித்திருந்தார். தெலுங்கிலும் நடித்து வருகிறார்.
