அறிமுக இயக்குநர் விநாயக் சந்திரசேகரன் இயக்கும் படத்துக்கு ‘குட் நைட்’ என்று தலைப்பு வைத்துள்ளனர். இதில் 'ஜெய் பீம்' மணிகண்டன் நாயகனாக நடிக்க, ஜோடியாக மீதா ரகுநாத் நடிக்கிறார். ரமேஷ் திலக், பாலாஜி சக்திவேல், பகவதி பெருமாள், ரேச்சல் ரெபாக்கா உட்பட பலர் நடிக்கின்றனர். ஜெயந்த் சேதுமாதவன் ஒளிப்பதிவு செய்துள்ளார். ஷான் ரோல்டன் இசை அமைத்துள்ளார்.
ரொமான்டிக் காமெடியாக உருவாகும் இப்படத்தை மில்லியன் டாலர் ஸ்டுடியோஸ் மற்றும் எம்.ஆர்.பி என்டர்டெய்ன்மென்ட் சார்பில் நசரேத் பசிலியான், மகேஷ்ராஜ் பசிலியான், யுவராஜ் கணேசன் தயாரித்துள்ளனர். இதன் முதல் தோற்றத்தை இசை அமைப்பாளர் அனிருத் நேற்று வெளியிட்டார்.
படம்பற்றி இயக்குநர் பேசும்போது, “குறட்டையை மையப்படுத்திய படம் இது. தூங்கும் போது ஒருவர் விடும் குறட்டை, மற்றவர்களை எப்படி பாதிக்கிறது என்பதை நகைச்சுவையாகவும், அர்த்தமுள்ள கதையாகவும் உருவாக்கி இருக்கிறோம்” என்றார்.
