சென்னை: நடிகர் தனுஷ் நடித்துள்ள ‘வாத்தி’ திரைப்படத்தின் ட்ரெய்லர் வெளியாகி உள்ளது. இந்தப் படம் அடுத்த வாரம் திரையில் வெளியாக உள்ளது குறிப்பிடத்தக்கது
இந்தப் படத்திற்கு ஜி.வி.பிரகாஷ் குமார் இசையமைத்துள்ளார். இந்தப் படத்தில் பாலமுருகன் எனும் கதாபாத்திரத்தில் ஆசிரியராக தனுஷ் நடித்துள்ளார். சம்யுக்தா, சமுத்திரக்கனி, சாய் குமார், ஆடுகளம் நரேன், இளவரசு, மொட்ட ராஜேந்திரன் உள்ளிட்டோர் இந்தப் படத்தில் நடித்துள்ளனர்.
இந்தப் படத்தை சித்தாரா என்டர்டெயின்மென்ட்ஸ் மற்றும் பார்ச்சூன் ஃபோர் சினிமாஸ் இணைந்து தயாரித்துள்ளனர். இயக்குநர் வெங்கி அட்லூரி இயக்கி உள்ளார். தமிழ் மற்றும் தெலுங்கு மொழியில் இந்தப் படம் வெளியாக உள்ளது. இந்தப் படத்தின் தமிழக விநியோக உரிமையை ரெட் ஜெயண்ட் மூவிஸ் கவனிக்கிறது.
சுமார் 2.26 நிமிடங்கள் ரன் டைம் கொண்ட இந்தப் படத்தின் ட்ரெய்லர் தற்போது வெளியாகி உள்ளது. கல்வி வணிக மயம் குறித்து இந்தப் படம் பேசியுள்ளதாக தெரிகிறது. அதை கதையின் நாயகன் எப்படி அணுகுகிறார் என்பதுதான் கதைக்களம் என எதிர்பார்க்கப்படுகிறது. ட்ரெய்லர் வீடியோ லிங்க்..
