பாக்யராஜ் கண்ணன் இயக்கத்தில் சிவகார்த்திகேயன் நடித்து வரும் படத்துக்கு 'ரெமோ' என்று பெயரிட்டு இருக்கிறார்கள்.
'ரஜினிமுருகன்' படத்தைத் தொடர்ந்து சிவகார்த்திகேயன் நடிக்கவிருக்கும் படத்தின் படப்பிடிப்பு சென்னையைச் சுற்றியுள்ள பகுதிகள் தீவிரமாக நடைபெற்று வருகிறது. கீர்த்தி சுரேஷ், சதீஷ் உள்ளிட்ட பலர் நடித்து வரும் இப்படத்துக்கு அனிருத் இசையமைத்து வருகிறார். பி.சி.ஸ்ரீராம் ஒளிப்பதிவு செய்து வரும் இப்படத்தை புதுமுக இயக்குநர் பாக்யராஜ் கண்ணன் இயக்கி வருகிறார்.
சிவகார்த்திகேயன் நெருங்கிய நண்பரான ஆர்.டி.ராஜா தனது தனது 24 AM ஸ்டூடியோஸ் நிறுவனம் மூலம் இப்படத்தை பிரம்மாண்டமாக தயாரித்து வருகிறார்.
பெயரிடப்படாமல் இப்படத்தின் படப்பிடிப்பு தொடங்கப்பட்டது. இன்று (பிப்ரவரி 17) சிவகார்த்திகேயன் பிறந்தநாளை முன்னிட்டு படத்தின் பெயர் மாலை 6 மணியளவில் அறிவிக்கப்படும் என்று தயாரிப்பு நிறுவனம் தனது ட்விட்டர் பக்கத்தில் அறிவித்திருந்தது. அதன்படி, 'ரெமோ' படத்தின் பெயர் என்று தயாரிப்பு நிறுவனம் அறிவித்தது.
சிவகார்த்திகேயன் பிறந்தநாளை முன்னிட்டு காலை முதலே #HBDSivakarthikeyan என்ற ஹெஷ்டேக் இந்தியளவில் ட்ரெண்ட்டாகி வந்தது குறிப்பிடத்தக்கது.