Published : 02 Apr 2021 20:11 pm

Updated : 02 Apr 2021 20:12 pm

 

Published : 02 Apr 2021 08:11 PM
Last Updated : 02 Apr 2021 08:12 PM

'மாஸ்டர்' இந்தி ரீமேக் உரிமைக்கு கடும் போட்டி

master-hindi-remake-rights-in-demand

சென்னை

விஜய் நடிப்பில் வெளியான 'மாஸ்டர்' படத்தின் இந்தி ரீமேக் உரிமையைக் கைப்பற்ற கடும் போட்டி நிலவுகிறது.

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன், அர்ஜுன் தாஸ், சாந்தனு உள்ளிட்ட பலர் நடிப்பில் வெளியான படம் 'மாஸ்டர்'. சேவியர் பிரிட்டோ தயாரிப்பில் வெளியான இந்தப் படத்தை லலித் குமார் வெளியிட்டார். தமிழ், தெலுங்கு, கன்னடம், இந்தி என அனைத்து மொழிகளிலும் இந்தப் படத்துக்கு மாபெரும் வரவேற்பு கிடைத்தது.


'மாஸ்டர்' படம்தான் கரோனா அச்சுறுத்தலுக்குப் பின் மக்களைத் திரையரங்குகளுக்கு வரவைத்த படம் என்று பல்வேறு முன்னணித் திரையுலக பிரபலங்கள் இப்போதும் கூறிவருகிறார்கள். அந்த அளவுக்கு 'மாஸ்டர்' படத்தின் வெற்றி இருக்கிறது. மேலும், தமிழகத்தில் அதிக வசூல் செய்த படங்களின் பட்டியலில் 'மாஸ்டர்' முதலிடத்தில் உள்ளது.

தற்போது இந்தி டப்பிங் வெளியாகிவிட்டாலும், இந்தி ரீமேக் உரிமையைக் கைப்பற்ற பல்வேறு தயாரிப்பாளர்கள் போட்டியிட்டு வருகிறார்கள். இதனால் 'மாஸ்டர்' படத்தின் உரிமைகளை வைத்திருக்கும் லலித் குமார் பெரும் உற்சாகத்தில் இருக்கிறார்.

விரைவில் இது தொடர்பான ஒப்பந்தம் கையெழுத்தானவுடன் அதிகாரபூர்வமாக அறிவிக்கவுள்ளது 'மாஸ்டர்' படக்குழு.

தவறவிடாதீர்!

மாஸ்டர்மாஸ்டர் ரீமேக்மாஸ்டர் இந்தி ரீமேக்விஜய்லோகேஷ் கனகராஜ்விஜய் சேதுபதிசேவியர் பிரிட்டோமாஸ்டர் இந்தி டப்பிங்One minute newsMasterMaster hindi remake rightsMaster hindi remakeVijayLokesh kanagarajVijay sethupathi

Sign up to receive our newsletter in your inbox every day!

More From This Category

More From this Author

x