வேல்ராஜ் - தனுஷ் இணையும் தங்கமகன்

வேல்ராஜ் இயக்கத்தில் தனுஷ், சமந்தா, எமி ஜாக்சன் நடித்து வந்த படத்துக்கு 'தங்கமகன்' என்று பெயரிட்டு இருக்கிறார்கள்.

வேல்ராஜ், தனுஷ் இணைப்பில் வெளியாகி பெரும் வரவேற்பைப் பெற்ற படம் 'வேலையில்லா பட்டதாரி'. அதே படக்குழு மீண்டும் இணைந்து படம் பண்ண தீர்மானித்தார்கள். இப்படம் 'வேலையில்லா பட்டதாரி 2' என்று தகவல்கள் வெளியானாலும் படக்குழு அதற்கு மறுப்பு தெரிவித்தது.

தனுஷ் உடன் சமந்தா, ஏமி ஜாக்சன், சதீஷ்,ராதிகா, கே.எஸ்.ரவிகுமார் உள்ளிட்ட பலர் நடித்து வந்தார்கள். சென்னையில் தொடங்கிய இப்படத்தின் படப்பிடிப்பு தீவிரமாக நடைபெற்று வந்தது. சில நாட்களுக்கு முன்பு மொத்த படப்பிடிப்பும் முடிவுற்றதாக படக்குழு அறிவித்தது.

அதனைத் தொடர்ந்து தனுஷ், இப்படத்தின் தலைப்பு மற்றும் பர்ஸ்ட் லுக் விரைவில் வெளியாகும் என்று தெரிவித்திருந்தார். இப்படத்துக்கு 'தங்கமகன்' என்று தலைப்பிட்டு இருப்பதாக கூறி பர்ஸ்ட் லுக் போஸ்டர்களையும் தனுஷ் தனது ட்விட்டர் பக்கத்தில் வெளியிட்டு இருக்கிறார்.

இப்படத்தின் இறுதிகட்டப் பணிகள் தற்போது தீவிரமாக நடைபெற்று வருகிறது. விரைவில் டீஸர், பாடல்கள் என வெளியிட படக்குழு திட்டமிட்டு இருக்கிறது.