Published : 13 Dec 2020 15:17 pm

Updated : 13 Dec 2020 20:28 pm

 

Published : 13 Dec 2020 03:17 PM
Last Updated : 13 Dec 2020 08:28 PM

'அண்ணாத்த' படப்பிடிப்புக்குப் புறப்பட்டார் ரஜினி: தனி விமானத்தில் பயணம்

rajini-leaves-to-hyderabad-for-annaatthe-shooting

சென்னை

'அண்ணாத்த' படத்தின் படப்பிடிப்புக்காக தனி விமானத்தில் ஹைதராபாத்துக்குச் சென்றார் ரஜினிகாந்த்.

நடிகர் ரஜினிகாந்த் நேற்று (டிசம்பர் 12) தனது 70-வது பிறந்த நாளைக் கொண்டாடினார். இதனை முன்னிட்டு அவருக்கு அரசியல் தலைவர்கள், திரையுலகப் பிரபலங்கள் எனப் பலரும் வாழ்த்து தெரிவித்தனர். அவருடைய நடிப்பில் உருவாகி வரும் படம் 'அண்ணாத்த'.


டிசம்பர் 15-ம் தேதி ஹைதராபாத் ராமோஜிராவ் பிலிம் சிட்டியில் 'அண்ணாத்த' படப்பிடிப்பு தொடங்கவுள்ளது. இதில் கலந்து கொள்வதற்காக எப்போது வேண்டுமானாலும் ரஜினி கிளம்ப வாய்ப்புள்ளது எனத் தகவல் வெளியானது. ஆனால், எப்போது கிளம்பவுள்ளார் என்ற தகவல் வெளியாகவில்லை. ஏனென்றால், கரோனா அச்சுறுத்தலுக்குப் பிறகு 'அண்ணாத்த' படப்பிடிப்பு தொடங்கப்படவே இல்லை.

இந்நிலையில், இன்று (டிசம்பர் 13) சென்னையிலிருந்து தனி விமானத்தில் ஹைதராபாத் கிளம்பினார் ரஜினி. தனி விமானத்தில் பயணிப்பதற்காக காரிலிருந்து இறங்கும் ரஜினியின் புகைப்படங்களை சன் பிக்சர்ஸ் நிறுவனம் தம் ட்விட்டர் பக்கத்தில் வெளியிட்டுள்ளது.

டிசம்பர் 15-ம் தேதி தொடங்கவுள்ள 'அண்ணாத்த' படப்பிடிப்பில் கலந்து கொள்பவர்களுக்குக் கடும் கட்டுப்பாடுகள் விதிக்கப்பட்டுள்ளன. இன்னும் 40% படப்பிடிப்பு உள்ளது. இதனை ஒரே கட்டமாக முடிக்கப் படக்குழு திட்டமிட்டு, அனைத்து நடிகர்களிடமும் தேதிகள் வாங்கியுள்ளது.

சிவா இயக்கத்தில் உருவாகி வரும் 'அண்ணாத்த' படத்தில் குஷ்பு, மீனா, பிரகாஷ்ராஜ், கீர்த்தி சுரேஷ், சூரி, சதீஷ் உள்ளிட்ட பலர் ரஜினியுடன் நடித்து வருகிறார்கள். ஒளிப்பதிவாளராக வெற்றி பணிபுரிந்து வரும் இப்படத்துக்கு இமான் இசையமைப்பாளராகப் பணிபுரிந்து வருகிறார்.

'அண்ணாத்த' படப்பிடிப்புக்கு இடையே டிசம்பர் 31-ம் தேதி, தனது கட்சி தொடங்கும் நாளை அறிவிப்பதற்காக சென்னைக்கு ரஜினி வந்துவிட்டுச் செல்வார் எனத் தகவல் வெளியாகியுள்ளது. ஆனால், அதிகாரபூர்வமாக அறிவிக்கப்படவில்லை.

தவறவிடாதீர்!


அண்ணாத்தஅண்ணாத்த படப்பிடிப்புரஜினிசன் பிக்சர்ஸ்இயக்குநர் சிவாகுஷ்புமீனாபிரகாஷ்ராஜ்சூரிசதீஷ்அண்ணாத்த படப்பிடிப்பு தொடக்கம்One minute newsAnnaattheAnnaatthe shooting beginsRajiniSun picturesDirector sivaKushbooMeenaPrakashrajSooriSathish

Sign up to receive our newsletter in your inbox every day!

You May Like

More From This Category

More From this Author

x