தெலுங்கில் வரவேற்பைப் பெற்ற 'பலே பலே மகாடிவோய்' படத்தின் தமிழ் ரீமேக்கில் நடிக்க ஜி.வி.பிரகாஷ் உடன் பேச்சுவார்த்தை நடத்தி வருகிறார்கள்.
நானி, லாவண்யா உள்ளிட்ட பலர் நடிக்க மாருதி தாசரி எழுதி, இயக்கிய தெலுங்கு படம் 'பலே பலே மகாடிவோய்'. கோபி சுந்தர் இசையமைத்த இப்படத்தை கீதா ஆர்ட்ஸ் மற்றும் யு.வி கிரியேஷன்ஸ் இணைந்து தயாரித்தனர். செப்டம்பர் 4ம் தேதி வெளியான இப்படத்துக்கு விமர்சன ரீதியாகவும், வசூல் ரீதியாகவும் நல்ல வரவேற்பு கிடைத்தது.
தற்போது இப்படத்தை தமிழில் ரீமேக் செய்ய படக்குழு முடிவு செய்திருக்கிறது. நானி வேடத்தில் நடிக்க ஜி.வி.பிரகாஷிடம் பேச்சுவார்த்தை நடத்தி இருக்கிறார்கள். தற்போது 'ப்ரூஸ்லீ' படத்தில் கவனம் செலுத்தி வரும் ஜி.வி.பிரகாஷ், அதனைத் தொடர்ந்து 'கெட்டப் பயடா இந்த கார்த்தி' படத்தில் நடிக்க இருக்கிறார்.
இவ்விரண்டு படங்களுக்கு தேதிகள் ஒதுக்கியிருப்பதால், அப்படங்களைத் தொடர்ந்து 'பலே பலே மகாடிவோய்' ரீமேக்கில் நடிப்பார் எனத் தெரிகிறது.