Published : 14 Aug 2020 22:16 pm

Updated : 14 Aug 2020 22:49 pm

 

Published : 14 Aug 2020 10:16 PM
Last Updated : 14 Aug 2020 10:49 PM

அப்பாவின் உடல்நிலை சீராக உள்ளது: எஸ்.பி.சரண்

spcharan-about-spb-health

சென்னை

அப்பா எஸ்.பி.பியின் உடல்நிலை சீராக உள்ளது என்று மகன் எஸ்.பி.சரண் தெரிவித்துள்ளார்.

ஆகஸ்ட் 5-ம் தேதி பிரபல பாடகர் எஸ்.பி.பிக்கு கரோனா தொற்று உறுதி செய்யப்பட்டது. உடனடியாக சென்னையில் உள்ள தனியார் மருத்துவமனையில் அனுமதிக்கப்பட்டு இருந்தார். அவர் சிகிச்சையில் உடல்நலம் தேறி வருவதாக மருத்துவமனை அறிக்கையில் தெரிவித்து வந்தது.


இதனிடையே இன்று (ஆகஸ்ட் 14) மருத்துவமனை நிர்வாகம் வெளியிட்ட அறிக்கையில், எஸ்.பி.பி உடல்நிலை கவலைக்கிடமாக இருப்பதாக தெரிவித்தது. அதில், உயிர்காக்கும் கருவிகளுடன் இருந்து வரும் அவரது உடல் நிலை ஆபத்தான கட்டத்தில் உள்ளது எனவும், மருத்துவ நிபுணர்களின் தீவிர சிகிச்சைக் கண்காணிப்பில் இருந்து வருகிறார் என்றும் குறிப்பிடப்பட்டிருந்தது.

எஸ்.பி.பி உடல்நிலை குறித்த தகவல் வெளியானவுடன் பல்வேறு பிரபலங்கள் அவர் பூரண நலம்பெற பிரார்த்தனை செய்வதாக கருத்து பதிவிட்டு வந்தார்கள். தற்போது எஸ்.பி.பி உடல்நிலை குறித்து அவருடைய மகன் எஸ்.பி.சரண் கூறியிருப்பதாவது:

"என் தந்தையின் உடல்நலம் குறித்து அக்கறை கொண்டு விசாரித்ததற்கு மிக்க நன்றி. அவர் ஐசியூவில் வென்டிலேஷனில் உள்ளார். அவர் உடல்நிலை சீராக உள்ளது. வதந்திகளை நம்ப வேண்டாம். அவரது உடல்நிலை குறித்துத் தொடர்ந்து தகவல்களை நாங்கள் உங்களுக்குத் தெரிவிக்கிறோம். மீண்டும் நன்றி"

இவ்வாறு எஸ்.பி.சரண் தெரிவித்துள்ளார்


தவறவிடாதீர்!

எஸ்.பி.பிஎஸ்.பி.பி உடல்நிலைஎஸ்.பி.பி கவலைக்கிடம்எஸ்.பி.பி மகன் அறிக்கைஎஸ்.பி.பிக்கு கரோனாஎஸ்.பி.பிக்கு கரோனா தொற்றுOne minute newsCoronaCorona virusSpbCorona for spbSpcharanSpcharan press release about spb

Sign up to receive our newsletter in your inbox every day!

You May Like

More From This Category

More From this Author