Published : 26 Jun 2020 11:45 am

Updated : 26 Jun 2020 11:45 am

 

Published : 26 Jun 2020 11:45 AM
Last Updated : 26 Jun 2020 11:45 AM

உருவாகிறதா 'மின்னலே 2'? - மாதவன் விளக்கம் 

r-madhavan-feels-he-is-too-old-for-minnale-sequel

மின்னலே இரண்டாம் பாகத்தில் நடிப்பது குறித்த தகவல்களுக்கு நடிகர் மாதவன் மறுப்பு தெரிவித்துள்ளார்.

கௌதம் மேனன் இயக்கத்தில் மாதவன், ரீமா சென், அப்பாஸ் நடித்த படம் ‘மின்னலே’. 2000 ஆம் ஆண்டு வெளியான இப்படம் பெரும் வெற்றி பெற்றது. ஹாரீஸ் ஜெயராஜ் இசையமைப்பில் பாடல்களும் சூப்பர் ஹிட். இப்படம் இந்தியில் ‘ரெஹ்னா ஹே தேரே தில் மெய்ன்’ என்ற பெயரில் ரீமேக் செய்யப்பட்டது. அதையும் கௌதம் மேனனே இயக்கியிருந்தார். இதில் மாதவன், தியா மிர்சா, சைஃப் அலி கான் உள்ளிட்டோர் நடித்திருந்தனர்.

இப்படத்தின் இரண்டாம் பாகம் உருவாகவுள்ளதாக சமீபத்தில் சமூக வலைதளங்களில் தகவல் வெளியானது. இதுகுறித்து ரசிகர்கள் பலரும் மாதவனின் ட்விட்டர் பக்கத்தில் கேள்வி எழுப்பிவந்தனர்.

இந்நிலையில் மாதவன் தனது ட்விட்டர் பக்கத்தில் விளக்கமளித்துள்ளார். அதில் அவர் கூறியிருப்பதாவது:

'' ‘ரெஹ்னா ஹே தேரே தில் மெய்ன்’ இரண்டாம் பாகம் குறித்த வதந்திகளைப் படிக்க நேர்ந்தது. அது உண்மையாக விரும்புகிறேன். மேலும், அதுகுறித்த எந்தத் தகவலும் எனக்குத் தெரியாது. அந்த கதைக்கேற்ற வயது கொண்டவர்கள் யாராவது நடிக்கவேண்டும் என்று பிரார்த்திக்கிறேன். மேலும், இந்த வயதில் நானும் தியாவும் இந்தக் கதையில் நடித்தால் யானைக்கு கால்சட்டை அணிந்தது போல இருக்கும்''.

இவ்வாறு மாதவன் கூறியுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Minnale sequelR Madhavanமாதவன் விளக்கம்மின்னலே 2கவுதம் வாசுதேவ் மேனன்நடிகர் மாதவன்ஹாரீஸ் ஜெயராஜ்

Sign up to receive our newsletter in your inbox every day!

You May Like

More From This Category

More From this Author