Published : 21 Jun 2020 20:09 pm

Updated : 21 Jun 2020 20:53 pm

 

Published : 21 Jun 2020 08:09 PM
Last Updated : 21 Jun 2020 08:53 PM

தம்பியை நாயகனாக்கும் லாரன்ஸ்!

lawrence-brother-becomes-hero

சென்னை

தனது தம்பி எல்வினை நாயகனாக அறிமுகம் செய்யவுள்ளார் ராகவா லாரன்ஸ்.

தமிழ்த் திரையுலகில் முன்னணி இயக்குநர் மற்றும் நடிகராக வலம் வருபவர் ராகவா லாரன்ஸ். இவர் நடிப்பில் வெளியான 'காஞ்சனா', 'காஞ்சனா 2' உள்ளிட்ட பல படங்கள் பெரும் வரவேற்பைப் பெற்றவை. தற்போது இந்தியில் அக்‌ஷய் குமார் நடிக்கும் 'லட்சுமி பாம்' படத்தை இயக்கியுள்ளார்.

இதனிடையே, தன் தம்பி எல்வினை நாயகனாக அறிமுகப்படுத்துகிறார் லாரன்ஸ்.

இன்று (ஜூன் 21) எல்வின் பிறந்த நாளை முன்னிட்டு ராகவா லாரன்ஸ் வெளியிட்டுள்ள அறிக்கையில் கூறியிருப்பதாவது:

"இன்று என் தம்பியின் பிறந்த நாள். ஒவ்வொரு வருடமும் நான் அவனை ஆச்சரியப்படுத்த நினைப்பேன். அதேபோல் இந்தப் பிறந்த நாளிலும் அவனுக்கான பெரிய ஆச்சரியம் காத்திருக்கிறது. அதற்கான அறிவிப்பு இது. அவனது கனவே தான் ஒரு நடிகராக வேண்டும் என்பதுதான். அது இப்போது நிறைவேறப் போகிறது.

ஆம். நாங்கள் பல நாட்கள் காத்திருந்து தற்போதுதான் ஒரு நல்ல திரைக்கதை அமைந்துள்ளது. ராகவேந்திரா புரொடக்‌ஷன்ஸ் இந்தப் படத்தை தயாரிக்க, ராஜா என்பவர் இயக்க உள்ளார். எல்வின் நாயகனாக நடிக்கிறார். தற்போது நிலவிவரும் கரோனா சூழ்நிலை முடிந்த பின் படப்பிடிப்பு தொடங்க உள்ளது".

இவ்வாறு லாரன்ஸ் தெரிவித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

ராகவா லாரன்ஸ்லாரன்ஸ் தம்பிலாரன்ஸ் தம்பி எல்வின்நாயகனாகும் எல்வின்லாரன்ஸ் முடிவுலாரன்ஸ் அறிக்கைலாரன்ஸ் திட்டம்LawrenceRaghava lawrenceElwinOne minute news

Sign up to receive our newsletter in your inbox every day!

You May Like

More From This Category

More From this Author