பாலா இயக்கத்தில் சசிகுமார் நடித்து வந்த 'தாரை தப்பட்டை' படத்தின் படப்பிடிப்பு முடிவுற்றது.
பாலா இயக்கத்தில் சசிகுமார், வரலெட்சுமி சரத்குமார் உள்ளிட்ட பலர் நடிப்பில் தயாராகி வரும் படம் 'தாரை தப்பட்டை'. இளையராஜா இசையமைத்து வரும் இப்படத்தை சசிகுமார் தயாரித்து வருகிறார்.
இப்படத்தின் படப்பிடிப்புக்கு இடையே சசிகுமாருக்கு கையில் அடிபட்டதால் படப்பிடிப்பு தாமதமானது. பின்னர், அவருடைய கை சரியானதைத் தொடர்ந்து படப்பிடிப்பு தொடங்கியது.
தஞ்சாவூரில் நடைபெற்ற இறுதிகட்டப் படப்பிடிப்பு செப்டம்பர் 15ம் தேதி முடிவுற்றது. 130 நாட்கள் படப்பிடிப்பில் 'தாரை தப்பட்டை' படத்தை முடித்திருக்கிறார் இயக்குநர் பாலா. அதனைத் தொடர்ந்து இன்னும் ஒரு சில நாளில் மற்ற பணிகள் துவங்கும் என எதிர்பார்க்கப்படுகிறது.
சசிகுமார் நாயகனாக நடிக்கும் அடுத்த படத்தின் படப்பிடிப்பையும் விரைவில் தஞ்சாவூரிலேயே தொடங்க இருக்கிறார்கள்.